Na maua le fa’atalatalanoaga ananafi e le Fofoga o Samoa ma le tamā i a Timu Iakopo, 43 le matua o le soifua o le afio’aga o Safotu.

I le tulaga e pei ona i ai i mea fai i totonu o le afio’aga aemaise i Ekalesia, na saunoa Timu o lo’o solosolo lelei lava le tele o ia vaega i le taimi lenei.

“Ia o le pogai o le atuatuvale mai mea uma e tutupu o le le alu le lotu, o le tautua lava i nu’u ma ekalesia, ia o galuega tau le Atua aemaise le le lelei o le aiga, ia e leai ni fa’afitauli o lo’o sologa lelei le tele o vaega i totonu o le nu’u ma le itumalo.

‘Ia  lea ua i ai le alafua ua lima ta’ita’iina ai le ekalesia, e le toe ta’ia ni sua a ni faife’au, a fa ni patele i se maliu, ia e tasi lava le patele e fai ai le fa’aaloaloga, ia ua leva ona fai nei suiga,

“O le tulaga i le ekalesia i le katoliko lava ia, ia lea ua tele le fa’amama le avega, aua o le fa’asamoa e 

lelei, ia o le taimi lenei, ua maua le mau mea e aiga, ia fa’aali loa i lena le tele o mea.

“Ia ae o tatou tagata lava o lo’o taugata ai le aganu’u ma le tele o mea fai, ae a ‘ai lava le ulu ma le koko ua soifua maloloina lelei aua ua tele le fa’ama’i ona o le tele o vaemoa.

“Ia ma so’ona puputa ai lava ma mama’i ai.

Na ia fa’ailoa i le Fofoga o Samoa o le taimi lenei , e leai se isi o faigaluega mo le tausiga o le aiga ae o lo’o fa’amoemoe tele i le fuaina o le popo ma le ma’umaga le fa’atupeina o le tele o vaega.

“O lo matou aiga e leai se  isi e faigaluega , ia ae 15 tamaiti o lo’o tausia i le taimi lenei , o fanau a ma’ua ia aemaise fanau a lo’u uso.

“O le popo lea e sali ma ave fua o lo’o fa’aa’o’oga ai tamaiti, ia a fua taga popo e tolu ia  e maua la’u $250.

“ Ia o lea e 90sene i le kilo, o lo’u iloa i ai , ia ua tigaina tele le galuega e fai i popo, ae o lo’o tumau lava le mea e tasi le tau o lo’o i ai.

“O le fa’anaunauta’iga lava a a’u ia, talosia ae omai kamupani o lo’o  foufou mai Amelika e fesoasoani e tau si’i le tau o  le popo.

“O le lua tausaga talu ai ia sa 85sene ia lea ua 90sene, le taitai ona fetaui le tigaina. 

“Ia o lea ua va’ai atu ia e sili pe a tu’u ae taumafai na’o le ma’umaga  pe afai o le tau lava lea o le a i ai, aua o le ma’imauga o le taimi.

“ Ia e pei o vaega nei, o lo’o fa’amoemoe ai le aiga, o le popo , ma’umaga ia ma le to’aga e tatalo.

“Ia o matou o matai tausiaiga, o foma’i  o lo’o fo’ia ai fa’afitauli o lo’o tutupu i totonu o aiga aemaise o le saosaoa o le soifuaga o lo’o ua i ai nei.