O aso uma o le avanoa lelei e galue ai eleele

Tusia Fetalai Tuilulu’u ,

27 Hits

E aoga le galue e maua ai le fa’amalosi tino: Saulo Samu.

E aoga le galue e maua ai le fa’amalosi tino: Saulo Samu.

E pei o lea le taaofiaga o le finagalo fa’aalia o le tamā i a Saulo Samu o Saleimoa i le fa’atalatalanoaga ma le Fofoga o Samoa i le aso ananafi.

 “Ia o a’u ua leva ona ou le toe faigaluega ona o le tausiga lava le fanau ma fai le fatuaiga tausi. 

“Ia o a’u ua 68 nei tausaga ma o lo’o o matou nonofo ma lo’u to’alua ma le fanau i gatai le a’ai i Levi Saleimoa. 

 “Ia e pei o le mafua’aga lava na tu’ua ai le galuega ona o le fatuaiga tausi na mafai ona ou maua mai ai ia ma ua va’ai atu ua tau le mafai ona toso le totogi i le tele o mea fai.

 “O la’u ia tala o Samoa, ia o le taimi lava e sese ai fa’aiuga fai ona o le tele o le tau o le soifuaga ona o tatou pagatia loa lea, ma o le a o’o lava i nai o tatou fanau.

 “E le taumateina lava le tulaga olo’o ua i ai nei aso ua faigata lava.

“O lo’u aiga lava e ave ai la’u fa’amuamua aemaise lava la’u fanau. 

“Ia e pei o lea la e aga’i atu le maumaga e asi le maumaga ma toto sina talo aua lava meaai ma se alagatupe mo mea fai , ma o lea lava ua alu ai lava e o’o mai le taimi lenei.

 “E fa’afetai ai le Atua aua o le tele lava o taimi e tatou te o lava fai i lo tatou malosi ae  o lo’o i ai lava le tali lelei mo tatou ua uma ona ia saunia,.

“Ia o le taimi lenei ia o le matua’i tupe lelei lava o si a’u galuega lenei o lo’o fa’atino.

“A o’o lava ina fua fa’atoaga ma ave le maketi e fa’apena foi ona tele le seleni maua, o nisi foi o taimi e maua mai ai le fesoasoani le fanau faigaluega aua lava fa’alavelave ma mea e fai. 

“Ia mo le silafia ai o le matua’i manaia lava o le mea lea ua i ai le taimi lenei, aua ou te pule lava a’u i a ia te a’u, ua tele le taimi e mafuta ai ma fanau ia ma malolo lelei ai.

Na ia fautuaina le tele o tagata ina ia aua ne’i fa’atali le malo mo se fesoasoani ae pei o nai galuega nei ia e fesoasoani ai aiga i lenei taimi.

 “Ia o lo’o tatou pagatia uma lava i lenei vaitau ae o le a se meaalofa ua avatu i a te oe ia fa’aaoga tatau.

© Samoa Observer 2016

Developed by Samoa Observer in Apia