Taumafai i le mea e gata ai le mafai

Tusia Fetalai Tuilulu’u ,

26 Hits

Tinā fatu aiga tausi: Tafale Simatautu.

Tinā fatu aiga tausi: Tafale Simatautu. (Photo: Fetalai Tuilulu’u)

E tofu lava le tagata ia ma ona fa’afitauli e fetaia’i ai i le olaga nei. Ae o le ola finau lava ma taumafai e maua ai le nofolelei o aiga. 

 O lea le manatu i le tinā ia Tafale Simatautu o le afioaga o Tuāmua i le la fa’atalatalanoaga ma le Fofoga o Samoa le aso ananfi. 

O le manatu fa’alia foi o le tinā 27 tausaga, o le taugata tele o le soifuaga o se tasi lea o fa’afitauli o lo’o feagai nei ma tagata Samoa. 

“O lo’u lava ia iloa iai fa’alētinā o lo’o gafa nei ma le tausi aiga, ioe e sa’o lava ua fai lava sian taugata le soifuaga. O lana lea tala. 

“Ae ā tu’u i se isi itū o se lu’i tau po se fa’amanatu ina ia galue ma aua le ola fa’amoemoe. 

“O le to’atele foi o tagata ua ou fa’alogo iai le faitio le taugata le soifuaga ma ou te lagolagoina foi lea, ma o lea e fia mana’omia ai lau fesoasoani. 

“Ou te iloa o le itūe faigata ai o le talosagaina o le mālo ina ia va’ai ma le alofa mai. Aua foi tusa lava po le ā le tele o atina’e le mālo o lo’o fai e fautuina lava ma talosagaina aua o lo’o taugata lava ma taumafai tagata e ola i le soifuaga ua iai nei. 

 E ui lā i le taugata ma le faigata o le fatu aiga tausi ae fa’ailoa mai lava e le tinā le naunuataiga iā te ia ma le tamā le aiga ina ia galue malosi. 

“O le fa’amalosi au o lo’o fai ma va’aiga ia tei maua o le mā fanau, e faia ia mea uma ma nei galuega ona o le va’ai se lumanai manuia o le fanau. 

Nofoaga le tinā ma le aiga.
Nofoaga le tinā ma le aiga.

“Ua tusa nei ma le 3 vaiaso talu na maua le matou vai, ma o se agaga fiafia ma le lagona fa’afetai ona o le paipa ae mai se foi o sina fale tau na nonofo ai. 

“Toe tasi lava le vaega o lo’o misi o se matou eletise, talu ai na talosagaina le eletise ae fa’apea mai le EPC e le’o pasia le matou fale pe le’o mafai foi ona o’o mai se eletise ona o le tulaga o si o matou fale. 

“Mo le silafia o le totogi si o’u to’alua e maua le vaiaso e $120, ou te ta’u māmā atu lava e le taitai na lava ai le fa’asoa. 

“O lea seleni e alu uma le aoga le fanau, o meaai le vaiaso ae le gata i lea o mea fai le lotu. 

“O le vaitau nei o tupe lava mea uma, a le aunoa ma le seleni e leiloa pe fa’afefea ona fa’atino mea fai. 

“Pei o mea fai le lotu o se vaega pito sili lea ona tele,ae ui i lea ou te lē faitio aua o le ala tatau le tausi ekalesia. 

“O le tulaga e popole ai ona na’o si o’u to’alua lava o lo’o feagai ma le su’eina le tupe, ae ua taugata lava le soifuaga ma lē lava ai le fa’asoa. 

“E le’o mautū atina’e o le aiga nei ae peitai o lo’o naunua lava ma taumafai iai, pau o lea o lo’o fai mana’omia lava se eletise. 

E maua le feso’otaiga ma le tinā ia Tafale i le 7733331 mo se fia fesoasoani iai.

© Samoa Observer 2016

Developed by Samoa Observer in Apia