E manuia pe a pule ma le alofa
“A lelei pulega i totonu o nu’u ma afioaga e manuia aiga.” O lea le finagalo na fa’aalia e le tinā i a Fiaava’e Pouvi i le Fofoga o Samoa.
“E lelei pulega a komiti a tinā ma tamā i totonu o lo matou nu’u nei, aua o tamā e fai lava asiasiga i aso uma i a latou ma’umaga ma nisi o atina’e aua le lelei o aiga.
“O le tagata lava ia e ala ai ona sala pe fa’atamala i le faiga o asiasiga.
“O nisi lava nu’u e pei o e tulata i le taulaga ia e leai ni faiganu’u e pei o nai vaega ia o lo’o tele ai le mau fa’alavelave tutupu mai.
“Ia o le tele lava o afio’aga e pei lava o pulega o lo’o tele ina malu ai e pei fo’i la ona i ai matou nei i Mulifanua.
“E pei lava o le aoga ai o atina’e nei i le faiga o ma’umaga aua o mea lava ia e ala ai ona lelei faiganu’u i tua nei aua asiasiga tiapula ma ma’umaga a o’o lava ina sele’sele ia ua ave fa’atau maua mai tupe a le tagata lava ia e fa’atau ai mea’ai aemaise o mea fai ma aoga a nai fanau.
“ Ia e pau lava le fa’afitauli o pasi e mamao atu i le faimalaga atu ma toe omai, ia e tuli atu lava taimi o le taeao e topetope ai fa’atau ia toe tuli le toe omai i tua nei. “E pei o le agaga maualuga lava o le fa’ateleina o nai faleoloa e una’i mai tua nei.
“Ia ma o lea lava ua maitauina nai nisi faleoloa lea ua lata mai tua nei, ia e pei lava o lo’o tele ina tuli atu Apia i le tele o taimi.
“E lelei lava tua i nei i lo’u ia iloa i ai aua e mamalu lava i’inei pulega a ali’i ma faipule e leai ni vaega e tutupu aua e lelei lava le fa’atautaiga le tele o taimi.
“O le vaiaso lava ma fono a matai, fa’amalosia lava taulele’a e fono, e le taitai lava ona tutupu ni fa’alavelave mata’utia e seasea fo’i tele ni mea fai aemaise o mea i le lotu, aua o mea masani mai lava le olaga nei.
“E mamalu mea uma e leai ma se mea e fa’aletonu, ma e sili lava totonu o nu’u ma afioaga nai lo nu’u tu taulaga.
“ Ia e pei o le tulaga e pei ona maitauina le tele o fa’alavelave mai le tele o vaega ae le taitai ona tupu i’inei.
“Ia na’o le to’alua o lo’o faigaluega i le taimi lenei ia ma la’u tama e to’atasi lo matou aiga ma o le fuafua lelei o le aiga ia e fesoasoani lava le tausiga o le aiga.