Fagota ma le Faatoaga mo le aiga - manuia sili lea!
Fagota e faamata e faigofie i le vaai ae faigata lona faatinoina, ae o le tupe pito i tele lea mo se aiga ma ana mea fai i aso uma.
O le mau lea le tama ia Talia Saifoloi, 46 tausaga le matua mai Fasitoo-uta.
O ia o se faifaiva e faalagolago iai lona aiga i aso uma.
“Pau lea o le tulaga out e mafaufau iai e maua mai ai le tupe tele mo lo’u aiga a alu so’u faiva i se aso e tele toe lava le faasoa mo lo’u aiga aemaise lava taeao o Aso Sa e oo lava i luga i le afe-tala” o lana tala lea i le Fofoga o Samoa.
“I ate au lava ia ua lava lea ma totoe mo lo’u aiga aua o lo’o ao’oga uma la’u fanau e toaono i le taimi nei ma o le tupe o lo’o maua ma ii la’u faiva i aso e faatea muamua lava pili aoga a le fanau aemaise faalavelave faale-aiga.
E faatau le faiva o le tama ia Talia i Aso Faraile, Aso To’onai ma taeao o Aso Sa.
I le galuega a le tama na ia faailoa ai o lo’o fiafia i lana galuega o lo’o faia i aso uma.
Ae o lona lave o le fesuisuiai mai ai lea o letau.“A sousou le sami i nisi o ao e faamuamua lo’u saogalemu aua out e iloa ua na’o a’u lava o lo’o faamoemoe iai lo’u aiga mo le tausiga i aso uma
“Faatoaga leisi mea out e faamoemoe iai pe a faaletonu mai le tala o le tau mo la’u faiva i aso.
E silafia e le tama ia Talia o le olaga nei ua taugata ma alu agai i luma.
“E leai ma se mea e mafia ona tatou faia o le galuega lava lena a le Malo aua ua masani ai lava o tatou tagata ma ii le amataga.
“Mo lo’u aiga lava ia e leai seisi e faigaluega o a’u o lo’o faalagolago mai ai o le sami ma le faatoaga o lo’o o’u galue ai nei aemaise ai o lo’u aiga ma la’u fanau ina ia maua lava se matou meaai i po uma.
O le faamamafa a le tama, ina ia manuia le fanau ma maua le manuia aua le tausiga o aiga.
“Faamuamua lava fanau aua a manuia fanau e le taumate le manuia o aiga ma nuu aemaise le ekalesia ma le atunuu.