Ia lototetele

41 Hits

Manu Galolo o le afio’aga o Tuana’i.

Manu Galolo o le afio’aga o Tuana’i.

Ripotia: Talimalie Uta

Fa’aliliuina: Iliā L Likou

 

O le ola magafagafa lelei ona o suiga ua i ai nei le  soifuaga  o le itu lea na fa’ailoa e le tamā i a Manu Galolo o le afio’aga o Tuana’i i le Fofoga o Samoa.

Na ia fa’ailoa o le a lava le tele o faigata ma mea o lenei olaga o lo’o i ai e ao lava ona faia mea uma ma le poto ma le fa’autauta lelei.

O Manu e to’alua ona alo ma le tinā o le aiga.

“Ia e pei o lea lava le tulaga o lo’o una’ia malosi ai lo’u nei tagata ina ia galue pea mo le lelei alu i luma o le olaga o lo’o ua i ai nei, o la’u fanau!"

“E leai lava se mea e mafai ona fai pe a fa’apea tatou le mafai ona tu’u i ai o tatou loto."

“O a’u ia e ta’u mama atu lava, e pei o le tausiga lava o fanau aemaise o le aga’i ai le lumana’i le itu e pito sili lea ona taua i a te a’u lava ia.”

I le tatala ina ai o le faleaoga mo fanau o le afio’aga i le vaiaso lenei, o se itu na ia fa’afetai i ai i le taimi lenei.

“O lea le agaga fa’afetai ia te a’u lava ia, aua e pei e laiti uma si a’u  fanau ae ua tele lenei fa’amama avega mai le malo o Iapani mo Tuana’i."

“E  le taumate ina le tele o le lelei ai o lenei atina’e i le lumanai."

“Ma e pei o lea lava le agaga o lo’o taumafai e una’i, o le atina’eina lea o fanau ma alo o le afio’aga nei i vaega e pei ona i ai ia aoga."

O lana fautuaga i matua ina ia aua ne’i fa’alogologo tiga ae tulei pea le fanau i a’oa’oga.

“E pei o lea le agaga maualuga o lo’o ua i ai le taimi lenei, ia taumafai pea e una’i fanau, aua a tali mai ia e manuia aiga."

“O lo’u talitonuga ia ua fai lava sina taugata o le tau o le soifuaga, ae aua ne’i fa’atu’utu’u ai ona e maua ai faigata ae galulue."

“O a lava meaalofa ua foa’i e le Atua ia fa’aaoga ma le tatau aua le aga’i ai le lumanai ae maise lava o nai fanau i a’oa’oga."

 

© Samoa Observer 2016

Developed by Samoa Observer in Apia