Fa'amuamua le tausiga ole aiga

Tusia Lizzy Hunt ,

55 Hits

O SE TAUTUA  ALOFA: Sale Telepi mai Faleapuna, 26 tausaga

O SE TAUTUA ALOFA: Sale Telepi mai Faleapuna, 26 tausaga

O Sale Telepi e 26 ona tausaga mai le alalafaga o Faleapuna, na maua lana fa'atalatalanoaga ma le Fofoga o Samoa i le aso ananafi.

O ia o se tagata alofa i ni naunautaiga mo se fa'aleleia o si ona aiga e toafitu, o nai ona matua ma ona tuafafine.

O le olaga i lenei vaitaimi ua faigata, aemaise lava iai tatou tupulaga talavou, ae afai tatou te le fa'autauta i o tatou faaiuga, tatou te iu lava i se tulaga le lelei.

“O se tasi o mea taua tele lo tatou naunau mo se lelei e le gata i o tatou lumanai ao o tatou aiga."

O Sale, ua na’o ia lava le tama ole aiga, ma o se tasi lea o itu taua tele mo ia ona o ia lava ua tu'u atu iai le tiute ole puipuiga ma le fesoasoani mo nai ona tuafafine."

“O au o lo'o iai le mamalu ma le fa'autauta, oute fa'aaloalo i ou tuafafine ma o le tasi lea o ala o lo'o latou faia ai foi mo ita.” O lona tala atu lea i le Fofoga o Samoa.

O Sale Telepi e le faigaluega, ae o ona galuega fesoasoani i si ona aiga aemaise ai lona galuega ole faifa’ato’aga ua ia iloa ai, o manuia e mafai lava ona auala mai i tausiga ma le tautua ina  o aiga, e sili atu lea nai lo mea o lo'o i fafo atu.

“Oute fesoasoani lava i si ou aiga i so'o se auala lava oute mafaia ma ole avea o au ma se tagata faifa’atoaga o se tasi lea o tiute taua oloo ou faatinoina ile taimi lenei.

“O loo lu’i mai i tatou e meauma ole olaga, e le gata i o tatou va ma o tatou matua ma uso ma taufafine, o le alofa mo aiga, o a'afiaga mai meauma, ole tau ole soifuaga ma isi."

E le gata i lona aiga ae i le mea o

lo'o alala ai Sale, Ua ia talitonu o lo'o sologa lelei mea uma, ma o ala lava o nei mea uma ona o le lelei o pulega ma faipule i le ta'ita'iga o nuu.

O ia o se tagata e toaga i le lotu ma ua ia talitonu atoatoa o ala o fa’amanuiaga e tele ma le fiafia o le auaunaga lea i le Atua ma o tatou aiga muamua.

“I le taimi lenei, e le'o iai sou fa'amoemoega i se galuega ae o loo ou iai lava ma si ou aiga e fesoasoani iai latou aemaise ai si ou tama i so'o se auala oute mafaia."

“Oute iloa e mafai ona ou faia mea uma e fesoasoani ai i si ou aiga e ala lea i le fa’atasi mai olo tatou Atua."

© Samoa Observer 2016

Developed by Samoa Observer in Apia