O le Pu’eata Samoa 

Faaliliu e Seagaitumua Tupuola

Ona o lea ua avea Samoa ma se tasi o atunuu muamua i le lalolagi ua na vaaia le aso fou, o lea se isi ala e sili ona lelei e amata ai le Tausga Fou i lo le faafeagai ma le e te alofa i ai i luma o ou aiga ma uo ma fai atu upu “Ou te faia lava”ma ia avea ma se tasi o ulugalii muamua o le lalolagi ua faaipoipo i lenei tausaga!

O le Aso o le Tausaga Fou-na aumaia faatasi le sili atu i le 250 malo e molimauina le faaipoipoga a Zhenna-Lei Jaya Chan Mow ia Apelu Faaiuga. O lea faaipoipoga sa faatinoina i ni malae matagofie o togalaau o le Orator Hotel i Tanumapua. Ina ua mavae se vaiaso o le tau femoumoua’i se’ia aulia le aso tele, e anoano talosaga sa tuuina atu mo se aso e sa’oloto mai timuga. 

Sa mulimuli ane ona talia ia talosaga ma na faamanuiaina le Faato’a Nofo Tane ma le Faatoa Faiavā e ala i se aso manaia ma le susulu lelei o le La-ina ia maua ai o la aiga ma malo faaaloalogia e molimauina le la sootaga o le alofa o le tasi i le isi.

O Zhenna lea na te faagaoioia le Niu Pharmacy e mai le nuu o Ululoloa ae o Apelu e faigaluega i le Matagaluega o le Soifua Maloloina ma e mai Moataa i Upolu nei ma Gataivai i Savaii.

Na auai e foa’i atu lo la afafine ia Apelu-o lona tama o Tugaga John Chan Mow ma  Ioana Tuugalei (Nee Vaai). Sa fai ma sui o matua o Apelu’ Iupeli Faaiuga (nee Enoka) ma i le agaga-o Faaiuga Mapuilesua (ua maliu).

Sa faaalia lo latou alofa ma le lagolago e ala i lo latou auai i o la tafatafa-le Alii Uo Sili o Leuluaialii Maiava Li'a Palala ma le Tama’itai Uo Sili a le Tamaitai Faaipoipo-o Lorraine Alofa Moala. O teinei sa tauaveina teu fugalaau i lea aso o Rose Tuugalei Matangaro Agnes Pereira ma Genevieve Tauveve Jacobsen.

O le sauniga o le faaipoipoga na ta’ita’ia e le Aposetolo o Viliamu Mafo’e ma o le Pule o le Tausamaaga o Lealailepule Rimoni Aiafi –lea na faamaopoopoina taualumaga o le aso i se tomai uiga ese ma se faiga aupito i malie..

Sa filo ia i latou na auai i lea aso le to’atele o malo faaaloalogia e aofia ai ma Lana Afioga Tui Atua Tupua Tamasese Eti ma le Masiofo, Lana Afioga Filifilia Tamasese, le Palemia o Tuilaepa Sailele Malielegaoi ma lona faletua o Gillian, Le Faamasino Sili, Lana Afioga Patu Tiava’asu’e Falefatu Sapolu ma lona faletua o Iliganoa, le Faamasino o Vaepule Vaemo Vaai ma Moana Kruse-Vaai, le pule o Apelu, le Faatonu Sili Aoao o le Matagaluega o le Soifua Maloloina, o Leausa Dr. Take Naseri-sa auai foi.