O le mau a le tina ia Palepa Tupito, 44-tausaga le matua ma i Faleseela,Lefaga o le faamuamua o fanau ma lenei vaitau ua tuu atu a ii latou i le aoga.

O le faamamafa a le tina ina ia ave atoa e matua le latou lagolago mo fanau ma o latou lumanai manuia.

“E atia’e lava lo matou aiga, toatasi la’u tama o lo’o aoga ma o le faatoaga lava o lo’o faamoemoe iai mo lona pili aoga” o lana tala lea i le Fofoga o Samoa.

“E moni ai le upu, o au a matua fanau ma e tatau i matua ona tuu atoa iai le latou faamuamua mo manaoga a le fanau, aua so latou lumanai manuia.

I le mau a le tina tele suiga o le olaga ua iai nei ma ua taugata ai foi ma le tau o le soifuaga ma lona ãluga ua iai nei.

“E moni lava o lo’o alu lava i luma le tau o le soifuaga ae a taumafai atili lava i mea e maua i o ma lima aua le tausiga o fanau mo le lumanai.

E le faigaluega uma laua ma le tama o le aiga, ae o le faatoaga o lo’o faatau aua se tupe maua.

“E lelei a le mativa ae mativa faafesagai, o mea ua maua i lima faafetai i le foai ua maua. Aua o lo’o maua lava meaai i le faatoaga”

O le naunautaiga o le tina ina ia sailiili lemu sana galuega aua le tautuaina o lona aiga.

“O le galuega lava o lea maua, ua lava lena ma totoe pau le mea taulia ia au o le maua o le tupe mo la’u fanau i lea aso ma lea aso.

Na ia tau’a o faalavelave i totonu o aiga ma nuu ma le ekalesia ua masani ai lava ona tagata.

“E tetele mai lava ae ele mafia ona tatou ‘aloese mai ai aua ua masani ai lava o tatou tagata i mea fai mai anamua.

Pau lona manatu maualuga ina ia iu manuia ma iu lelei aoga a lana fanau aua so latou lumanai manuia.