O le maua ai le fa’atalatalanoaga le Fofoga o Samoa ma le tamā ia Saofai sa ia aioi ai se tasi e ofoina atu se galuega mo ia. 

“O a’u e ave lava le fa’amuamua le aiga, ae o le taimi nei e le atoa le tautua ona o le leai se tupe e fa’atino ai. 

“Ia sa ou faigaluega muamua, ia a o le na uma loa le konokalate ia uma foi lava ai le avanoa faigaluega, ia talu mai lava lena taimi na le toe iai ai se galuega, sa galue lava le maumaga aua se tupe fa’asili mo le aiga, ae le gata I lea o le mea’ai foi. 

“O o’u uso ma tuafafine e laiti ma e leai seisi o i latou e ono tuuina iai se feau e faia ma out e le tuua ai foi iai ni feau e faia o a’u lava lea o lo’o faia le galuega i aso uma maua ma lo’u tama.

“Ua ou o’o foi le taimi e manatu foi ua tatau ona me ii le isi sitepu o lo’u olaga e ala lea i le sailia lea o sa’u galuega e fesoasoani a ii lo’u tama aua matou te le feagai pea ma lo’u tama i le tele o taimi

“I lenei olaga a le galue ma sue lava e le tagata ia lona lava manuia e leai se mea e maua ma out e faafetai o le iai o le matou faatoaga matou te tua iai

“O a’u lava le fa’amoemoe le aiga ma ua tatau ona ou agai e galue faa-tagata matua mo lo’u aiga.

Ua talitonu le alii o Saofai i le taugata o lenei soifuaga ua iai nei pea faatusa atu i aso ma tausaga ua mavae o le tautiga lea mo le tausiga o aiga e pei foi o le faigata lea o lo’o feagai ma lona aiga i aso uma

“Ua maualuga lava le tau o le soifuaga i lenei vaitau” o lana tala mai lea Fofoga o Samoa. 

“O le faafitauli lava lea o lo’o feagai ma le matou aiga i aso uma e o’o lava i sina mea mai le faleoloa ua le gafatia  lava

“A maua lava le tupe e faamuamua lava pili o le vai ma le moli ae le gata i lea o pili aoga o le fanau ua tele ai lava tupe alu

 “Fa’i o faalavelave faale-aiga e tele ina alu ai tupe aua o le matou aiga o lo’o iai matua-tausi e le’o se gasluega faigofie.