O fanau o le tofi mai le Atua

By Seia Soloi 30 May 2017, 12:00AM

O le naunautaiga o matua i le taimi nei ina ia maua ni galuega lelei ma le mautu mo le lumanai manuia o aiga aemaise ai le tausiga o fanau ma lo latou lumanai.

O nisi o aiga ua le tutusa le faasoa ua lima vaivai ma ua tele mea fai fai o le tausiga o fanau ao mea fai foi totonu o le lotu aemaise le nuu.

O le tina ia Moana Petelo, 36-tausaga mai Faleasi’u o lana lea faamuamua ina ia maua e lana fanau se lumanai manuia ae aua le ola falolo.

“O lenei olaga a le galue le matua ia mo lana fanau e le maua se mea lelei aua a lelei ona tausia ma faa-failele le ola tuputupua’e o le fanau e le maua se mea lelei” o lana tala mai lea i le Fofoga o Samoa

“I lenei vaitau ua tele le suiga ua iai nei ua fai lava sina faigata o le olaga ma a le galue le matua ia mo lana fanau e le maua se iuga lelei mo fanau

“O le taugata o le soifuaga ua avea ma avega mamafa i nisi o aiga” o lana tala mai lea

“O nisi lava aiga ua le toe gafatia lava se tau o se oloa se tasi mai le faleoloa. 

“O le fanau o le tofi mai le ali’i, o I tatou lava le ki ma le tatala o mea uma, o I tatou foi e ao ona tatou fa’apelepele ma fa’a’aooga le fanau. 

“A’oa’I le fanau e tusa ma ona ala a matua e le toe te’a ese ai lava. 

“O nei aso, ua alualu lava I luma suiga ma ua tau au na le iloa ai le va ma tagata, o le naunautaiga lava o  matua pei o maua ma si o’u to’alua ia maua ni lumana’I manuia o le fanaua, ia iloa ola ma ia maua le fiafia. 

“Aua nei ola fa’alagolago ma ola samasamanoa ae ia ola ina ia mafia ona maua ni matua sili mo aiga, nu’u ma ekalesia. 

“Ia e tusa lava po le a le mativa ma le le tagolima o iai nei le soifuaga, e alofagia mai lava le Atua le tagata ma lona naunua. 

By Seia Soloi 30 May 2017, 12:00AM
Samoa Observer

Upgrade to Premium

Subscribe to
Samoa Observer Online

Enjoy unlimited access to all our articles on any device + free trial to e-Edition. You can cancel anytime.

>