Sa’ilia fa’amatalaga o le tino maliu

By Ilia L Likou 30 January 2018, 12:00AM

O lo’o ua taumafai pea leoleo e sailia  fa’amatalaga e fa’atatau i le isi tino maliu mai le fa’alavelave lea na tula’i mai Faleula i le Aso To’anai na sei mavae atu nei.

O lea le  fa’amaoniaga mai le So’oupu o le Matagaluega o Leoleo i a Auapa’au Logoitino Filipo.

“Mai le 46 o le pasese lea na i luga o le pasi i le taimi na tula’i mai ai le fa’alavelave, e to’aono o lo’o ua taofia pea e o’o mai i le taimi lenei. “E 37 na faia togafitiga i lea lava aso ma toe o ese mai ai mai le falema’i i le po o le Aso To’anai.

Sa  taumafai se fa’amatalaga i le Pulega o Felauaiga ae le’i fa’amanuiaina.

I nisi o fa’alavelave talu ai i ta’avale lavevea lava na aumai fa’afautuaga ai e le mamalu o le atunu’u nisi o vaega e toe fa’aleleia aua lava le saogalemu o tagata lautele.

I fa’alavalave lea na tula’i mai Tufuiopa, na fa’ailoa mai e le Pulega o Felauaiga le tatau ai lea i a’i latou o lo’o alala i Tufuiopa ona aloa’ia sa latou talosaga i se tusitusiga agai i le Pulega e fa’atatau  i lo latou manaoga mo nisi o vaega fia fa’aleleia i luga o auala femalagaiga, ina mafai ona alofia ai le tele o le mau fa’alavelave o lo’o ua tula’i mai pea.

I ripoti talu ai, o le fa’aaliga lea na tu’uina mai e  se tasi o sui o le Pulega i a Jerome Ah-Mu e tali atu ai i nisi o atugaluga a le atunu’u o lo’o ua alala i lea vaega o le atunu’u.

I nisi o ripoti na tu’uina atu muamua o lo’o ua fa’ailoa mai ai lea tulaga e nisi o le atunuu i le le saogalemu ai lea o le pioga e sau mai luga o le kamupani o le Island Rock i le vaega tonu lea o lo’o i ai le vai i Tufuiopa.

I le vaitau o aso fiafia, e tele lava fa’alavelave tau ta’avale sa fa’aleagaina ai nisi o meatotino a le malo.

O nisi o ia fa’alavelave tau ta’avale sa lipotia atu i le matagaluega ae o nisi o fa’alavelave e le’i ripotia atu i Leoleo.

Sa ta’ua e Auapa’au o loo aiaia i lalo o le tulafono e ao i tagata lautele ona logoina le Matagaluega o Leoleo i soo se fa’alavelave e a’afia ai meatotino a le malo.

“ E ao i so’o se tagata ona tu’uina mai fa’amatalaga e fa’amaonia ai le soligatulafono a le ave taavale.

O lea vaega e a’afia ai lē faamaoni aga’i i pasese e tusa ai ma ni uta o lo’o tauaveina e le ta’avale. O lo’o iai le malosiaga i ali’i leoleo e tapaina ai lē onaina le ta’avale e tu’uina mai fa’amatalaga ae afai ae lē utagia e ono molia lea i le tulafono.

Sa ta’ua foi e Auapa’au i le Samoa Observer so’o se tasi lava e le utagia pe le usitaia lenei tulafono ua ia solia le foi le tulafono.

O lea mataupu o loo lagolagoina malosi e le Ofisa Sili o le Pulega o Felauaiga i luga o le Laueleele ia Leasi Vainalepa Galuvao.

E fa’apea e mafai ona molia tonu le ave taavale o loo faia lea tulaga.

O le lē lipotia o fa’alavelave tau ta’avale i le Matagaluega o Leoleo o se solitulafono e pei ona fa’aalia e le Sui Komesina o Leoleo,  o le So’oupu foi lea a le Matagaluega ia Auapa’au Logoitino Filipo, i le tali mai ai lea i nisi o fesili sa tu’uina atu e le Samoa Observer.

Sa ia fa’ailoa mai e solitulafono lea vaega i lalo o le tulafono o Taavale Afi 1960.

Aepeitai i le tali mai ai o le Leasi i luga i nisi o fesili sa tu’uina atu e le Samoa Observer, ‘e tuuina mai e le pulega taui mo i latou e ripotia atu faalavelave tau taavale o loo faaleagaina ai meatotino a le malo’

“Afai o le fa’amatalaga e tu’uina mai e le Pulega e maua ai le ave ta’avale sa fa’aleagaina ia meatotino o le a maua ai le $200 tala e tuuina atu e le pulega mo le e mafai ona litpotia mai lea tulaga’

“E fa’amauina ua fa nei fa’amanuiaga ta’i $200 ua tu’uina atu e le pulega i tagata ua tu’uina mai fa’amatalaga sa’o ma le fa’amaoni.

Sa fa’ailoa foi e Leasi so’o se meatotino lava a le malo e fa’aleagaina o le matafaioi lea a le Pulega o Felauaiga i luga o le Laueleele. O le pulega foi e gafa lea ma le toe fa’aleleia o ia vaega uma aua le saolegalemu o tagata feoai i luga o le alatele.

“ I le sailia ai o O latou nei o loo faia nei uiga le alofa o loo manaomia ai le galulue faatasi o le Pulega, Matagaluega o Leoleo ma le lautele o le atunuu e ala lea i le tuuina atu o faamatalaga e mafai ai ona iloa tonu i latou nei.

By Ilia L Likou 30 January 2018, 12:00AM
Samoa Observer

Upgrade to Premium

Subscribe to
Samoa Observer Online

Enjoy unlimited access to all our articles on any device + free trial to e-Edition. You can cancel anytime.

>