Molia ni ali’i se to’alua i le fasioti tagata fa’amoemoeina

By Deidre Tautua – Fanene 29 May 2018, 12:00AM

Ua taofia nei e leoleo ni ali’i se to’alua ona e tusa ai ma moliaga o le fasioti tagata lea ua maliu ai nei se tamā 53 tausaga o le soifua mai le afioaga o Vailele.

O lenei ripoti sa fa’amaonia mai e le So’oupu ale Matagaluega a Leoleo, Auapa’au Logoitino Filipo.

Sa ia ta’ua o nei ali’i ua molia nei i le moliaga o le fasioti tagata fa’amoemoeina.

E tusa ai ma pepa o fa’amatalaga mai le matagaluega a leoleo e fa’apea o lenei tamā ua maliu ona o ni manuaga tugā i lona ulu.

E tusa ai ma ripoti a leoleo e fa’apea o le ua maliu sa fa’asuāavā mai le mai lava e le’i po.

Ae peita’i ina ua oo i le afiafi sa i ai se fe’eseeseaiga sa tula’i mai lea sa manu’a ai.

E lei mafai ona tali mai le So’oupu a leoleo e tusa ai ma le feso’otaiga a le ua maliu ma e o lo’o molia i lenei mataupu.

Ae peita’i e tusa ai ma le fa’amatalaga a se tasi mai le matagaluega o leoleo e fa’apea o laua o lo’o molia o le atali’i fai ma le tuagane o le to’alua o le ua maliu laua nei.

I nisi o fa’amatalaga sa fa’ailoa mai ai i le Samoa Observer o le ua maliu e fa’apea sa ia fa’ao’olima i lona lava to’alua.

Sa taumafai le tugane o le to’alua o le ua maliu ma lona atali’i fai e taofi le ua maliu mai le fa’ao’olima i lona to’alua ma o i sa fa’apea ai lona ona taina ai loa e i laua nei le ulu o le ua maliu i se mea malo.

E pei ona ta’ua muamua i ripoti e fa’apea sa maua le ua maliu i le afiafi ma ni manuaga tugā i lona ulu.

“Sa fa’asuaava lava le ua maliu ma sa mulimuli ane maua lona tino i tua o le latou fale ma manuaga i lona ulu.

Sa maliu lava le na a’afia a’o le’i taunu’u i le falema’i.

O le ua maliu e mai i afioaga o Vailele ma Saleologa.

 O lo’o ua molia ai nei ni taulele’a se to’alua i le moliaga o le fasioti tagata fa’amoemoeina ma o le aso 11/06/2018 o lea valaau ai i luma o le Fa’amasinoga i lona taimi muamua i laua nei e tali atu i o laua moliaga.

By Deidre Tautua – Fanene 29 May 2018, 12:00AM
Samoa Observer

Upgrade to Premium

Subscribe to
Samoa Observer Online

Enjoy unlimited access to all our articles on any device + free trial to e-Edition. You can cancel anytime.

>