O suiga o le olaga

Tusia Aruna Lolani ma Ilia L. Likou ,

61 Hits

Tama matua ia Vaiao To’o mai Matatufu.

Tama matua ia Vaiao To’o mai Matatufu.

Na maua le faatalatalanoaga a le Fofoga o Samoa ma Vaiao To’o mai Matatufu ma sa iai ta’ua ai le tele o suiga o le olaga ua iai.

I lona ia talitonuga, o le tele lava o ia suiga, mo suiga aua le lelei o le atunuu o Samoa.

O 69 le matua o lona soifua ma sa ia tala mai suiga ua i lona mafaufau.

“O ia aso e faigata tele,” o lana tala mai lea.

“A ta alu i sesi foi lele ona o le manaomia o se seleni, e 60 popo fa’atoa maua le $1-00  (tala) e tasi.

“E taugofie la mea sa iai, sa maua le pisupo sefulu lua aunese ile $0.30sene, a maua le pisupo e fa pauga e $0.40 sene, ia ma le fanu pia steinlarger e $0.40  i ia aso na ou ola mai ai au.

“O le vaitaimi na e lei a’e mai se vailima ma le pia foi lele o le Ropati i la aso.

“E moni lava e taugata le soifuaga, ae e taugata a le soifuaga ona o le tagata a ia latou.

“O le le galue ma le le gaioi lea e fa’ataugata ai lenei vaitaimi taugata i faleoloa.

“Ao le tagata galue latou ia ma fai lana fa’atoaga, e faigofie a mea uma ile gaioi.

“Ua faigofie lenei vaitaimi aua sa tau leai se au tupulaga i la aso, masalo pei na o a’u le e totoe mai le tupulaga sa iai ma le uso o le aiga nei, ia ua fa’ilagi lana ia folauga.

“Ia o le vaitaimi la nei, oka se tele o le tamaitiiti ua feola mai totonu o le aiga.

“A fai la se au a Matatufu, e tau le lava se au lakapi a Matatufu i vaitaimi la, ia ao au la ua maua le vaitaimi lenei.”

Sa ta’ua foi e Vaiao o ia foi o se tasi sa fiafia e taalo i so’o se ituaiga taaloga i aso ua te’a.

“O aso la, e savalivali a ile auala, ta’alo ifo ile voli, kilikiti, lakapi, ia ma feoaiga a tupulaga, tau atu i lea sikaleti aisi.

“O loo sologa lelei lava tua iinei, ma ou faafetai ile tama ile lagi, i lona alofa tunoa ua matou aulia mai lenei aso.”

© Samoa Observer 2016

Developed by Samoa Observer in Apia