O se mea e maua mai e si o matou nu’u mo tagata

Tusia Lizzy Hunt ,

37 Hits

Mitamita i si ona Nu’u: Malaeola Alama mai Vailoa, Aleipata.

Mitamita i si ona Nu’u: Malaeola Alama mai Vailoa, Aleipata.

O Samoa o se tasi o atunu’u ua iloa i ona tau ma ona matāfaga matagofie olo’o si’omiaina ai ona nu’u eseese.

Sa maua le faatalatalanoaga a le Fofoga o Samoa ma se ali’i luasefulu ma le iva tausaga o Malaeola Alama mai Vailoa, Aleipata, o se tagata olo’o fiafia tele i si ona pito nu’u ma mea ua faia mo tagata.

O lona talitonuga, o le matagofie o matafaga ma fale talimālō ese’ese e fa’avae  i totonu o  si ona nu’u o se tasi lea o mafua’aga ua  fa’ateleina ai turisi ma tagata tafafao ma maimoa mai fafo e omai.

“Oute manatu ua iloa e tagata uma e maua iai i matou matafaga pitosili ona matagofie i Samoa.” O lona manatu lea na fa’alia ao fa’atalatalanoaina ele fofoga o Samoa.

“O lo’o iai nisi turisi po’o tagata tafafao maimoa mai fafo i fale talimalo i le taimi lenei ae ona o lenei masina o se masina gesegese, ae elē fa’apea ai o se mea leaga lea mo le pisinisi.

“O isi taimi e fa’alagolago lava i tagata ma le ituaiga fa’apotopotoga latou te faia, mo se fa’ata’ita’iga  e iai isi taimi e fai ai fa’atasiga o a’iga po’o ni fa’aipoipoga.

“Ae peita’i o ō matou masina pisi lava o Tesema ma isi aso fa’apitoa e pei ole tausaga fou, aso tinā, aso tamaiti ma isi; o isi na o aso e fia o ese ai tagata mai le tele o le mau mea fai  ae fa’afiafiaina i latou i nei i matafaga matagofie.”

Na taua e Malaeola ele toe iai se popolega o nisi pea latou afifio mai aua ole’ā tali lelei e si ō latou pitonu’u i latou uma o ē afifio mai.

“Olo’o iloa ona sefe ma malupuipuia lō matou nu’u ma o matou matāfaga ona olo’o iai tulafono ma aiaiga ua uma ona fa’atuina mai e tagata maualuluga poo pulega ole nu’u, ma tiute o taulele’a ua uma tofia fa’apitoa, ole va’aia ma puipuia lea o tagata e omai i totonu ole nu’u e o’o lava i turisi, i so’o se mea ma so’o se tasi ma taofia mea leagae ono tupu.”

Na fa’aauauina fa’amatalaga ole alii o Malaeola, o le isi mea lelei fa’atatau i ō latou faletalimalō, ua mafai ai ona  maua avanoa e faigaluega ai isi tagata olo’o fia mo’omia ni galuega aemaise lava ia’i latou olo’o alala i totonu lava o le nu’u.

“Mo se fa’ata’ita’iga, Faofao Beach Fale, ua latou fa’afaigaluegaina e ova atu ma sefulu ma le lima o tagata mai lenei nu’u, o se mea lelei ona ua tau leai ni galuega i lenei vaitaimi.

“Olo’o sologa lelei meauma i totonu o si o matou nu’u

“O matou tagatanu’u e tausa’afia ma matafiafia i fa’afeiloaiga o so’o seisi

“Oute mautinoa, ua fa’atuputupula’ia ma ua fa’ala’ua’iteleina le lelei.”

© Samoa Observer 2016

Developed by Samoa Observer in Apia