E sili lava matua nai lo nisi mea o le olaga

Tusia Seia Soloi ma Aruna Lolani ,

40 Hits

FA'AMUAMUA LE AIGA: Kolio Paniolo faamuamua ona matua.

FA'AMUAMUA LE AIGA: Kolio Paniolo faamuamua ona matua.

O le alii talavou o Kolio Paniolo, 18 tausaga le matua o se fa'ataitaiga lelei lea mo le to'atele o tupulaga o le atunu'u o lo’o fa'apalapala i feau a le aiga.

O Kolio e sau mai le nu'u o Leauva’a ma na ola a’e lava ua na iloa lana fa'amamafa ma lana fa'amuamua o ona matua.

“Tatatu ona tatou iloa tatou te le mafuta ai pea ma o tatou matua sei o'o i le faavavau” o lana tala mai lea.

‘E le mafai ona 'ou ola pe a leai ni o’u matua aua e leai nisi o lea toe faia iai ni a’u galuega lelei uma i le lumana'i."

“E moni lava e tau popole a i nisi o taimi 'ae e oso mai lava i lo’u mafaufau e tatau ona fai sa’u galuega lenei taimi manu o maua le malosi o matua aemaise o lo’u olaga talavou lea o lo’o iai nei."

E iai nisi o uso ma tuafafine a le ali'i o Kolio ma ua tau fai faigaluega uma lava i latou ma fai lava o latou aiga i le taimi nei. 

“E le'i uma la’u aoga na 'ou nofo lava mai le aoga ou faigaluega loa ia Frankie i Leauva’a nei."

“E le'i umi se taimi o o'u faigaluega, ona o'u nofo lea ua ou va'aia le matua ma le faigata ua iai le tulaga o si o’u tama i le taimi nei ou te fia nofo la e fesoasoani iai ma vaai o’u matua."

“Na ou popole lava aua e leiloa po o le a le mea e tupu mai ia te ia o le ala tonu foi lea ua ou nofo ai e fesoasoani ai."

O le fa'amuamua a le alii o Kolio ina ia mautinoa ia maua se meaai a ona matua aemaise ia maua pea lona malosi e galue ai mo lona aiga.

“E taumafai lava i le mea e gata ai le mafai ina ia maua mai lava se mea'ai a o’u matua i aso uma” o lana tala mai lea.

“Tusa lava pe timu pe la, ou te 'au malosi lava aua e le toe maua ni matua pe a uma atu matua o iai i le taimi nei."

“Ou te lotu ma ou te mafuta lava i le Autalavou ina ia mausali pea lo’u lototele ou te galue mo nai o’u matua."

© Samoa Observer 2016

Developed by Samoa Observer in Apia