Ua ‘u’u mau e Tama’ita’i avanoa tau pisinisi

Tusia Ilia L Likou ma Faaliliu e Seagaitumua Tupuola ,

130 Hits

O FUA O FAATOAGA :O se ituaiga tele o fualaau fai mea’ai ma fua o la’au e totō i le aiga sa faatauina atu.

O FUA O FAATOAGA :O se ituaiga tele o fualaau fai mea’ai ma fua o la’au e totō i le aiga sa faatauina atu.

E sili atu i le 50 pisinisi laiti e i lalo o le fuafua a le South Pacific Business Development (S.P.B.D.) sa faaalia ai a latou oloa ma galuega taulima i luma o le Maota o le Malo ananafi. 

O le S.P.B.D.o se faalapotopotoga ititi lea tau tupe i totonu o Samoa o lona faamoemoe o le tuuina atu lea i tamaita’i o avanoa moni e galulue ai i latou lava. 

O lea sauniga e lua aso e faamuta i le asō-na maua ai tupe maua mo sui auai ma ua mafai ai e i latou ona matua faaleleia o latou soifuaga. 

Fai mai Falanisisi Sipaia mai Safotu Savaii o lea polokalame ua tuuina atu ai ni mea se tele tau le atiina a’e tau tupe o lona aiga. 

“Ou te fia faafetaia le S.P.B.D. ona o le faatinoina o a’u galuega taulima poo ituaiga o taumafa i le aiga faatasi ai ma se faamoemoe o le maua mai ai o se tupe faasili mo lo’u aiga e ola ai-o se mea lea ua ‘ou faamoemoe e faaauau pea,” o lana faaaliga lea.

 “E anoano tamaitai o lo matou nuu ua faamanuiaina mai lea polokalame. Ua latou faatuina a latou lava pisinisi laiti i le taimi nei. 

 “Ua matua matou fiafia lava i le avanoa ua tuuina mai ia i matou e ati a’e ai o matou lava tomai pe faapefea ona matou faafeagai ma le faatauina atu o oloa ma le maua mai o tupe faasili. 

O lea polokalame ua fesoasoani tele ia i matou e fai ai ni tala matagofie o le faamoemoe ma le faamanuiaina i totonu o matou lava aiga.” 

Faafetai tele lava mo mea uma ua outou faia, SPBD e fesoasoani mai ai ia te a’u, matou te faafetaia la outou lagolago. O le South Pacific Business Development o se fesootaiga lea a faalapotopotoga tau Microfinance-o loo galulue i totonu o Fiti, Samoa ma Tonga e tineia le mativa. 

O le S.P.B.D.na te tuuina atu i ona sui auai ni tupe aitalafu e aunoa ma se mea e faamau a’i ma le aoaoinga e amata ai ni pinisinisi laiti e faavae i tomai tau le soifuaga i le taimi nei. O lona faamoemoe ia tuuina atu i tamaitai o i totonu o nuu matitiva i tua le avanoa e amata ai, faatupuina ma le tausia ina ia faatumauina le maua ai o tupe maua a pisinisi laiti, faavae aseta e ala i le faasaoina faatasi ai ma le faaleleia o le tulaga tau tupe i le aiga ma le aoaoina o tamaiti laiti.E tuuina atu foi e le S.P.B.D.i ana paaga se vaega tau aoaoga, auaunaga tau tupe ma le una’ia pea ina ia mafai ai ona tumau le latou o ese mai le tulaga mativa.

© Samoa Observer 2016

Developed by Samoa Observer in Apia