“Fa’ataugofieina e Saina le soifuaga” – Ioane Sui Fa’atau
E leai se mea e ta’u o se olaga taugofie. Ua taugata le soifuaga ma ua faigata fo’i le olaga ma o tagata Saina ia e fesoasoani e fa’ataugofieina ina mea mo tagata.
O le manatu fa’aalia lea o se tama 53 le matua o lona soifua, e igoa ia Ioane Sui Fa’atau mai le nu’u o Siumu, ina ua fa’atalatalanoaina o ia e le Fofoga o Samoa i le aso ananafi.
“E mo’i a o le tele o taimi ta te lagona ai le popole i le to’atele o le au Saina i Samoa, ona o lo ta manatu ifo la le i le to’atele o le fanauiti le tuputupu a’e.
“Ia lona ta te uma atu, matutua lata fanau ae ua na’o Saina lava ua fa’atumulia ai Samoa.
“Ae o le itu lelei a ia o le au Saina, o latou ia e fesoasoani i le taugata o le soifuaga.
“Aua a su’e ni faleoloa e maua ai se vaemoa e ta’a mai lalo le tala le tau, o faleoloa a le au Saina.
“Aua o oloa vaitaimi nei, ua matua taugata lava vagana ai nai au Saina ia e taugofie ai isi mea.
“O latou ia lea e puipuia mai tatou mai le taugata loua iai.
“Fa’ataugofieina e Saina le soifuaga.”
O Ioane o ia o se tama i se fanau e to’alua ma o ia o se faifa’ato’aga ma o le tina ole aiga e fesoasoani fo’i i le faiga o le ma’umaga.
“O le ma’umaga a e tele ona maua mai ai mea’ai.
“O isi taimi e fa’atau atu i le nu’u po’o le maketi le i Afega pea o’o fo’i taimi e mana’omia ai se tupe.
“O lea lava e lelei le eletise ma le vai.
“E mo’i to’atele tagata lea e faitio i le leai o se vai talu ai ona tipi latou vai ma o lo’u a ia manatu, e mafua mai ia latou aua tatau ona totogi le taimi le sa avatu ai le pili.
“A’o le amio masani fo’i a tagta e fa’atali a se’i tele, ma o le mea na e tele ai tupe fa’aalu.
“Sa fa’apea fo’i a lo’u a’u aiga ma ua lelei fo’i a o le talia lelei o talosaga lea ua toe maua ia le ma vai.
“E lelei a mea uma i tua nei, ma ou te fa’afetai fo’i a’u ia aua e le’i a’o’oga la’u fanau.