O a’u lava le pule o la’u ia galuega

By Fetalai Tuilulu’u 28 April 2017, 12:00AM

O le aso ananafi na maua ai le fa’atalatalanoaga ma le tamā ia Liva Atanoa o Siumu Sisifo. 

Sa ia fa’ailoa ai le manatu o le maumaga lava o le fa’amoemoega lea si ona aiga. 

“Ou te le fia mana’o e pule mai se tasi ia te a’u. O lana lea tala. 

“Ia e pei ona outou tagataga’i atu, e tailo fo’i i tupe e maua i isi vaega o le olaga nei pe tutusa ma tupe e maua mai i lo’u fa’atauina o fua o fa’atoaga nei e pei taro, fa’i, ta’amu ma isi lava.

“O lo’u ia lava olaga mai lava o lo’u laititi ia ou te fiafia lava i le fai maumaga, ma na fai lava i la aso aepeita’i na o’o se manatu i a te a’u i le fa tausaga talu ai ua tatau loa ona fa’atelē .

“O lea la e pei ona outou tau mai ai le aso nei, ia o lea toeititi afa eka o lo’o ua fa’aaogaina.

“I lo’u nofo ai i si o matou aiga ma le fanau, e pei e tau le alu tele so’u mafaufau i nisi vaega o le aiga, ae pei o se itu fiafia i a te a’u le usu mai i le togāla’au i taeao uma.

“Ia ma matamata i fugala’au ese’ese, ia a tele fo’i le ita i tamaiti , ia ua ou sau i la’u togāla’au aua e fiafia ai le loto pe a va’ai atu ua togo mai, ia ona uma fo’i lea o lota ita.

O le taimi lenei na fa’ailoa e le tinā e le’o i ai sona mafaufau e fa’atau i le maketi po o se faleoloa fugala’au o lana togāla’au.

“I a te a’u ia e sili lava le omai o tagata avatu ae o lo’o lelei atoatoa, nai lo le so’ona ta ave le maketi ae le mafai ona fa’atau e tagata ona ma’imau lea.

“Ia ua tele lava tagata ua tuli mai a’u nei ma o mai fa’atau atu vaega nei mo le tele o fa’amoemoe, ia  a lelei lava oka e omai e tusa lava ma le $300 le tupe maua i le aso.

“E pei  la o taimi lava e tele ai le fa’atau o le oge o le atunu’u, e le gata foi i lea o le vaitau na e le tau fesiligia le tele o  a’u tupe e maua mai ai. 

O le taimi nei o le tau o le tautalo o lo’o ave ai e $10 aua foi o lo’o tele le meamata. 

“O le vaitau foi nei o le tele lava le fesoasoani e maua mai ai o le maumaga. 

“I ate a’u e ao lava ona galulue pea ina ia manuia aiga. 

By Fetalai Tuilulu’u 28 April 2017, 12:00AM
Samoa Observer

Upgrade to Premium

Subscribe to
Samoa Observer Online

Enjoy unlimited access to all our articles on any device + free trial to e-Edition. You can cancel anytime.

>