Tusi i le Faatonu

28 February 2016, 12:00AM

Tusi i le Faatonu, 

Tulafono ia siitia numera o tamaitai i le Palemene e matua sese sese lava!

 

O le tulafono lenei sa faatu (initiate) e le HRPP ae lagolago e le Tautua Samoa, e ala i le finau i avanoa tutusa (equal opportunity). Samoa se’i toe taga’i ane ma toe sasa’a le fafao aua o la’u mau e matua le fetaui ma le talafeagai lenei fuafuaga. Ua pasi le tulafono ae le tuua ai le mafaufau pea iai mo le agai i le lumanai. O nai motugaafa e fesoasoani atili i le fefulisa’i faalaau mamafa o lenei mataupu. 

1. E le faasaina e le faavae poo le tulafono a Samoa le tauva o tamaitai i faigapalota. 

2. O le lagatila o lenei mataupu ua faatonu mai e Malo Aufaatasi o lona uiga ua leai se tofa mamao ma se utaga o’o i Samoa. 

3. Afai e mafai e le Sa’o Faapito (Fiame) ma Gatoloai ona manumalo mai i o la itumalo o lea la lea mea e le mafai ai e isi?

4. Afai e le maua le pasene o tamaitai i le faigapalota ona faaaoga loa lea o tulafono e faaatoa ai. O lona uiga ua lua avanoa o isi o le ala lea e lo’u finau e leai ni avanoa tutusa i le tulaga lea. 

O le temokalasi e tutusa avanoa o tagata uma. Ae afai e taunuu i le tulaga lea o lona uiga ua ta’i lua ae taitasi isi.

5. Aisea ua finau ai lava i le tofi faipule ae le se’i finau foi i Ekalesia e toatele Faifeau Alii ae leai ni Faifeau Tamaitai? Fea la o iai avanoa tutusa i lea foi itutino (institution o le faapotopotoga o tagata (society)?

6. O le tamaitai o Melesina na faiaina i le palota. Ae ona e tele pasene o ana palota maua, lea la ua sao mai ai (faata’ita’iga): o le fesili – e sau i le Palemene o ai na te suia (who is she representing in Parliament?) Manatua foi e le’i filifilia e le itumalo e fai mo latou leo i le Palemene, therefore she can’t speak on behalf of her constituency. O lo’o iai lava le sui na manumalo mai e saunoa mo manaoga o lea itumalo. 

7. O upu fai-o-malo (politics) na’o sina vaega itiiti o faiga o tonu (a cog in the wheel, in decision making). E aofia ai tonu lelei ma tonu faale-lelei. What I’m trying to say is you don’t need to be Parliamentarian to make decisions. You can make good decisions in your own family, own village and your church. 

8. O se criteria pito i pa’u maulalo lea e filifilia ai se tagata i se tofiga (o le criteria o ia o se tama’ita’i). Upu a le atunuu “fili i le tai se agava’a”. Aua ne’i galo, lest we forget politics is a very unique and of course a dangerous ball game. 

Just before I sign off let me remind our women who are running in this coming election “Politicians will finally die of swallowing their own lies”

Tamaitai o sui tauva, outou mama na. Ia manuia lo outou alo faiva. 

I am not against women. I am against the selection processes and procedures now in place. 

E to’atama’i tele le Palemia i le tete’e tomumu ae leai ni fautuaga mo le aga’i i luma. 

Fautuaga: E lua palota o tagata palota uma. Muamua palota mo le sui e te finagalo iai. O le isi palota mo le pati (party) e te finagalo e ta’ita’i le malo. 

A o’o i le tulaga ua le atoa le fuainumera o sui tama’ita’i ona faaaoga lea o le palota lona lua. E su’e le pasene (e le o le numera) o le lagolago HRPP ma le pasene lagolago o le Tautua. 

O ai e tele le pasene, e aumai iina le sui tama’ita’i e tusa ma le tulafono. 

O le lelei o lea faiga ole sui ua sau i le palemene i le mafuli o le lagolago a le atunu’u ae le sau i se palota na’o se itumalo. Manatua foi ua uma filifiliga faaitumalo ua tatau loa ona lafo i le vai tele e aumai ai le sui faaaopoopo. 

O le mea moni e mafai ona malo le HRPP i sui faatutu ua pale mai ae tele le lagolago i le Tautua. (or the other way round)

Ua faaaoga loa le toatele (majority) o le party support e maua ia sui faaopoopo. 

Pe nao le sefululua sui o se vaega ae mafai ona manumalo i le party support ma maua ai e latou se sui faaopoopo. 

Ua faaaoga ai foi ma le tele o palota, a le atunuu. Manatua o le party support o le atunuu atoa, ae le na o se itumalo. 

Poo ai la le tamaitai e filifilia o le mea lena a le (caucus) vaega faaupufai lava ia. 

 

Manuia Samoa le sauni atu i le Palota. 

Lei Taua 

Vaitele Uta

28 February 2016, 12:00AM
Samoa Observer

Upgrade to Premium

Subscribe to
Samoa Observer Online

Enjoy unlimited access to all our articles on any device + free trial to e-Edition. You can cancel anytime.

>