‘Avea le ‘ava ma fa’amanuiaga

By Sarafina Sanerivi 27 November 2016, 12:00AM

O le mau o le tamā i a Gago Fuiava o le afio’aga o Ta’elefaga i  Fagaloa - ‘ia o le nei vaitau ua matua’i alu lava o le ava pe a fa’atusatusa atu i le slow sa i ai i aso ua mavae.

I le fa’atalatalanoaga ma le Fofoga o Samoa i le aso ananafi na ia fa’ailoa o le fa’amanuiaga lea i le tele o ‘ele’ele o le itumalo.

“Ia o le tele lava o vaega o lenei itu i Fagaloa ia e pei o le ‘ava o lo’o galueaina aua lava le tele o vaega ma le tupe maua.

“Aua o lea e alu le mau lea e ese le sua o le ava i Fagaloa ma ou te le malamalama po o le a le mafua’aga  e ala ai ona ese’ese le sua o le ava i’inei.

“ I le taimi lenei ua fai si tele o le seleni ua maua, ua maua ai le tamaoaiga i Fagaloa, ua fai ai fale, ua fa’atau ta’avale a le to’atele ma o lo’o alu ai  lava le tulaga lea ua i ai.  “Ia a a’u  fika atu ai e silia ma le 30 tausaga na amata ai e le aiga ona totō le ava, ma ua tele ni vaega lelei ua mafai e a’u ia ona fa’atino ai le tele o itu e mana’omia mo si o’u aiga. 

“Ia o le taimi lenei e $10 le pepa ava pe a fa’atau.

I le galueaina ai o le ‘ava , e mafai ona fa’amatalaina?

“O le ava lava ia e mafai ona eli i le lua tausaga ae o le ava lelei o le lima i le ono tausaga.

“Aua e tolu ituaiga ava i totonu o Fagaloa, o le ava le’a, ava talo ma le ava la’au ma o lo’o totō uma lava ava nei i totonu o lo’u aiga. 

“Ia e kiliva lava le ava i faleoloa , mo le aso e tasi , ia e maua la’u $2000.

“Ua tele lava le mana’oga o le ava i vaitaimi nei pe a fua atu i aso ua mavae.

“Ia a mana’omia lava le seleni ia ua ave lava e fa’atau ma e to’atele lava e omai e fa’atau pe a mana’omia.

 “O lea fo’i la ua usu mai le taeao....e ui ina tu i auvae mauga le to’aga ae ua masani, se’i vagana  fou mai ae o tagata i’inei ia e pei lava o le mea fua le o i lalo ma le omai i luga.

By Sarafina Sanerivi 27 November 2016, 12:00AM
Samoa Observer

Upgrade to Premium

Subscribe to
Samoa Observer Online

Enjoy unlimited access to all our articles on any device + free trial to e-Edition. You can cancel anytime.

>