Le sao taua o tupulaga talavou
Telē ma taua le sao o tupulaga talavou o le Ekalesia Aso Fitu a Vailoa, Saoluafata mo le fa’amatagofieina ma le teuteuina o le si’osi’omaga.
O le vaiaso talu ai, na latou foa’ina ai kalone lapisi e 30 mo le Kolisi a Anoama’a, le A’oga Tulagalua ma le A’oga Fa’ataita’i a Saoluafata, le Falema’i Fa’aItumalo i Lufilufi ma faleoloa uma i totonu o Saoluafata.
O lea foa’i na mafai ona fa’atinoina ona o se poloketi na fa’aigoaina o le “Give them the Key” lea na fa’aosofia ai tupulaga a le ekalesia e sa’ili seleni mo lea fa’amoemoe lelei. O le poloketi lea ua saofaga ai le tu’uina atu o le lagolago i so’o se vaega o tupulaga talavou e fia sai so latou sao mo lo latou nu’u.
O lea fesoasoani atoa e o’o atu i le lima-afe tala ($5,000.00) lona fa’atupeina.