Ia aua ne’i nofoa’i

By Vatapuia Maiava ma Ilia L Likou 27 October 2016, 12:00AM

O le talitonuga o le tinā i a Siatunu’u Malesala ‘o nei aso ua le’o toe faigofie ona ua taugatā lava le soifuaga o lo’o ua i ai i le taimi lenei.

O le aso ananafi na maua ai le fa’atalatalanoaga a le tinā, 67 le matua o le soifua o Toāmua i luma o lana fale ‘aina laititi, ia po o le pisinisi fo’i o lo’o taumafai i lenei taimi i lumāfale o le aiga aua lava le atina’eina ma le tausiga o aiga.

“Ia ua faigata lava nei aso ua taugata le soifuaga, ia ou te talitonu e i ai lava nisi kamupani e feololo e le tutusa uma kamupani i le taugata o le tele o  oloa.

“O le itu e  pito sili ona taua o le alu  alu lava e su’esu’e mea taugofie aua se fa’amāmā avega mo aiga i nei vaitau.

“Ia pe a fua i la aso, ia sa maua le falaoa e sefulu sene , ia pe seleni fo’i lona tau,  ia o aso na o afa kala, ia maua le elegi e afa kala ia pe 50sene i nei aso.

“Ia o gei aso ua toeititi lava $4 ma o le uiga lea o lau ia fa’asoa o le tele o le tau o lo’o ua i ai nei pe a fua i aso ua alu.

“Ia o lo’u iloa i ai a tele i luga le alu o le soifuaga ia e tatau fo’i ona o tatou minoi atu ai ma tatou aua e fia’a’ai le mea e maua pe a leai sa tatou galuega e faia.

“Ia o nai pisinisi laiti lava nei ua fa’atino ia e fa’atau ai fasimoli ma le suka ia ma mea fai o le lotu a maua lava nai mea mama ia ua ave teu i le pusa aua le atia’e o aiga.

“Ua nofonofo ua leai ni galuega e faia ia lea na fa’ama’ite ai vaega nei, oga e talu ai o la’u pisinisi e tele lava ina fesoaoani i la’u fanau. 

“Ia a maua la’u tupe māmā, ona ave’ese lea o le tau o isi a’u oloa, ia o la’u tupe o lo’o teu e pei e le’o le faletupe ae o lae teu i le pusa,  e lelei le teu i le pusa ma tu’imau ma fa’ata’atia ai lava, a maua lava ia tu’u i i totonu.

“Ia o fa’atau lava le aso ia pe maua lava la’u $30 le aso , ia o lo’o o’u fa’atauina fo’i le niu.

“A maua le tupe mama e , e fai ai fo’i la’u sefulua’i e auala mai ai fa’amanuiaga.

“E pei lava o la’u ia taofi, ia e talu ai o la’u fanau ua fai aiga uma lava, ia e galulue lava latou ma ta’ito’alua e fai latou fanau e ave i le olaga, a mana’omia lava se mea e vala’au atu e aumai lea mea ma lea mea.

“ Ia o tamaiti aoga o lo’o tele lava la’u fa’atau  ma ua lima masina talu ona fai la’u faleaiga.

By Vatapuia Maiava ma Ilia L Likou 27 October 2016, 12:00AM
Samoa Observer

Upgrade to Premium

Subscribe to
Samoa Observer Online

Enjoy unlimited access to all our articles on any device + free trial to e-Edition. You can cancel anytime.

>