Se’i alofa mai! - Asueru

By Ilia L. Likou 26 July 2017, 12:00AM

O le manaoga o le tama i a Asueru Asueru o Fagali’i e ao lava i le malo ona toe tagataga’i i le taugata o le tau o le soifuaga o lo’o ua i ai nei.

Na maua le fa’atalatalanoaga ma le Fofoga o Samoa i le aso ananafi e fa’alautele ai lona finagalo e fa’atatau i lea tulaga.

 “Ia o le tulaga e le natia lenei taimi i  le maualuga o le tau o le soifuaga o lo’o ua i ai nei ma o se itu faigata tele ona o le laiti o totogi  o lo’o mafai ona maua mai le taimi lenei.

“A fatusa atu i totogi o lo’o ua maua e matua’i le gafatia lava ona toe fa’atau atu se isi oloa ei luga atu i oloa uma nei.

 “O lo’u ia iloa ai, e le fou nei tulaga i lo tatou iloa ai, o le mea moni, ua tatou alu ai lava fa’apea aua e leai lava se isi o toe mafai ona tu ma tete’e atu fuafuaga a le malo o lo’o ua i ai nei.

“O le itu mautinoa lava, o le tele o nai o tatou tagata o lo’o ua i ai le taimi lenei, o lo’o ua feagai ma tulaga faigata ma le ogaoga o le tau o le soifuaga o lo’o ua tatou i ai nei.

“O se itu mautinoa lea.

Na ia fa’ailoa e ao lava i le faigamalo ma matagaluega ona asia le tele o aiga o lo’o i totonu o le atunu’u i nei tulaga uma o lo’o fa’apea ona ‘a’afia ai.

 “Ia ua o le itu mautinoa o lo’o ua i ai nei , e fai o le laiti o totogi maua ae o le le to’atele o i nai o tatou tagata o lo’o fia maua ni galuega, o se itu faigata tele lea i lo’u iloa i ai.

Na ia ta’ua lona le auai ai lea i le tele o le mau suiga o lo’o ua i ai nei le faigamalo ina ua ma’ea le faigapalota tele.

 “Ia na o le uma lava o le faigapalota, fai lafoga a faifeau, ia lea ua sui atu le Ao o le Malo, o mea nei na mamao lava se manatu i nei vaega ae foliga o lea ua amata ona alia’e mai ma o se itu le lelei tele lea.

“Ia e pei o lea lava le talosaga vaivai i le malo i le taimi lenei, fa’amolemole e alofa mai, e manaia ae fai ma omai ni asiasiga a le malo I tua latou te iloa ai le tulaga o lo’o pagatia ai le tele o tagata.

By Ilia L. Likou 26 July 2017, 12:00AM
Samoa Observer

Upgrade to Premium

Subscribe to
Samoa Observer Online

Enjoy unlimited access to all our articles on any device + free trial to e-Edition. You can cancel anytime.

>