Ia ola galue i taimi uma

By Aruna Lolani 26 July 2017, 12:00AM

O le aso ananafi na maua ai le fa’atalatalanoaga ma le tama ia Tagiloa Eteuati mai Vaoala.

Na ia ta’ua muamua le lelei o le tulaga o faiga nuu a le latou nuu ma o le mafuaaga lea o lo’o saogalemu ai mea uma. 

 “Ia o lo’o sologa lelei mea uma, o le nu’u nei e pei ona e va’aa’ai atu iai, e leai a se pisa ma ni femisaa’iga.

“Ae i lo’u a ia manatu e taua foi i lenei vaitaimi ona faataua o tatou fanua ma o tatou fa'ato'aga aua o le taimi nei; o oa ia a Samoa," o lana tala mai lea.

Na maua atu lenei tama ina ua faatoa foi atu i lana maumaga.

“O le mea na ou te taua atu ai lenei taimi, e pele i lou fatu lau faatoaga o lo’o fai nei.

“O le taimi nei o loo tau atia'e la’u kapisi vai, o se mea na o lo’o alu ai lesi ou malosi. 

"O au ou te faigaluega i le au Vaai ae sa ou mafaufau ou te malolo lenei aso ina ia maua foi se avanoa ou te  asiasi mai ai le maumaga aua foi o lesi alagatupe lea mo le tausiga o aiga.

"E taua uma nei mea ia te au  aua foi o iinei lava i totonu o lenei faatoaga lea e sue ai lesi seleni a le aiga, e tausi ai foi o matou tagata ma o matou fanau.

"E le faigofie le faiga o lenei faatoaga, aua e taitasi masina e faaola ai ina ola lelei ma mafai ona foliga mai ini foliga e fia faatau e tagata. 

"E uma loa tapenaga  ona faatau atu lea ile maketi pea ou malolo mai le galuega i Aso Toonai.

"E maua mai a lau $250 mai la’u galuega ia faaopoopo atu ai ma le seleni mai kapisi vai ua lava ma totoe.

"O nei mea uma , a na ou toaga ou te galue ai ona e aoga mo le lelei o aiga.

"O le lelei i totonu o aiga, o le lelei foi lena o totonu o le nuu.”

By Aruna Lolani 26 July 2017, 12:00AM
Samoa Observer

Upgrade to Premium

Subscribe to
Samoa Observer Online

Enjoy unlimited access to all our articles on any device + free trial to e-Edition. You can cancel anytime.

>