Ia usita’i

By Ilia L. Likou 25 September 2017, 12:00AM

O le mea’alofa sili lea mo matua.

O lea le talitonuga o le ali’i i a Tatou Hinoa, 16 tausaga o Tuana’i i lefa’atalatalanoaga ma le Fofoga o Samoa.

O lo’o Tausaga 10 o ia i le Kolisi o Uesile i Faleula.

“Ia o le taimi lenei, ia e va’ai alofa lava i le tele o le mau tupe o lo’o tau fa’asoa i le taimi lenei, ma e mana’omia lava le tulaga fo’i lea o le fa’aaoga lelei o le afu o matua o lo’o ave ai matou i le aoga.

“E ala lea i le alu e fa’alogo lelei i le faiaoga ma va’ai ni tulaga fo’i ia e mafai ona fesoasoani lelei ai matua ma aiga, e pei o le fai o fe’au i le tele o aso.

Na ia fa’aalia o le taimi lenei o lo’o aoga ma tulimata’i pea se lumana’i lelei mai a’o’aoga.

“O lo’u iloa i ai o lea lava le tali e mafai ona tali atu ai le agalelei o matua, o le ‘i’u ma ma le manuia lelei o aoga a’i matou nei o le fanau.

“Ou te iloa lava e a’u o la latou fa’amalosi lava lea o lo’o una’i a ai matou i aso uma, ina ia le gata e o i le aoga, ae ia manuia le taunu’uga.

“Ia o le taimi lenei o lo’o taumafai ai lava ina ia maua le sini autu e ala ai ona aumaia i matou e fa’aaooga i le tele o taimi.

“O lo’u iloa i ai, ia o le fiafia lava e manuia aim ea uma, ma ia o matou to’a’aga e fai a matou mea’aog.

“E pei lava ona fa’ailoa atu muamua, e leai lava se isi vaega o lo’o manana’o ai matua i a’i matou ia mafai lea ona o matou ola e fa’alagolago i so’o se taumafaiga o lo’o o latou taumafai i ai.

O le taimi lenei  na ia ta’ua o ta’aloga o le isi itu e fiafia lava i ai.

“Ia e pei o a’u ou te fiafia lava i le lakapi, ma o le manatu maualuga lava lena o lo’o i ai le taimi lenei, o le mafai lava lea ona ola e fesoasoani  i aiga, a maua lava le avanoa ia ua sau e ta’alo lakapi.

“Ae o lo’o ave lava le fa’amuamua i a’oga i le taimi lenei, aua  a lelei le aoga ia o le a fesoasoani tele i le lakapi.

By Ilia L. Likou 25 September 2017, 12:00AM
Samoa Observer

Upgrade to Premium

Subscribe to
Samoa Observer Online

Enjoy unlimited access to all our articles on any device + free trial to e-Edition. You can cancel anytime.

>