Ia galulue mo aiga

Tusia Ilia L. Likou ma Aruna Lolani ,

29 Hits

Le tinā ia Telesia Teleofa mai le alalafaga o Tuana’i.

Le tinā ia Telesia Teleofa mai le alalafaga o Tuana’i. (Photo: Ilia L Likou)

A ‘avea tagata e aupito sili ona pele ia te oe ma mafua’aga o lou ola finau i le olaga nei, o le’a leai lava se mea na te taofia lou taumafai ina ia manuia ai lou aiga. 

E mafai fo’i lava ona a’ea mauga ina ia ola fiafia ma ola manuia lou aiga. 

E talitonu fo’i e le tau natia le tulaga ile faigata ole olaga o lo’o soifua ma ola ai tagata Samoa i lenei vaitau. 

Ae peitai, o le ola galue ma le lē fa’alogologotiga, e ea ai le pologa ma sapi ai a tatou fanau I manuia. 

O le finagalo lea o le tinā ia Telesia Teleofa mai le alalafaga o Tuana’I ina ua afea e le Fofoga o Samoa.

O le tinā ia Telesia e 72  le matua o lona soifua ona tausaga ma o lo’o galue nei o se faiaoga i le Aoga Tulaga Lua i Pesega-Fou.

“Ia ua fai lava si leva o o’u faiaoga e amata mai lava le 1990 se’ia o’o mai le taimi lenei.

“O lea  lava le agaga maualuga o lo’o i ai le taimi lenei, ina ia mafai ai lea ona maua pea le avanoa e fesoaoani ai nai alo ma fanau o le atunu’u o lo’o i lenei taimi.

“Ua fai lava si ese’esega o le olaga o nai  fanau i aso ua alu ma nei taimi.

“Ua le’o toe faigofie lava ma o le taumafai lava ina ia mafai ona maua le avanoa e pei ona taua muamua e fesoasoani ai le fanau.

Na ia fa’ailoa ua tele lava le ese’esega o aso ua alu ma aso nei.

“Ia o aoga i la aso e pei e le’i tele le ‘a’afia o le ola a’oa’oina o tamaiti i initaneti fa’aonaponei ma o le tulaga lava lea e tatau ona i ai.

“O se itu lelei tele mo le taimi lenei o le mafai ai lea ona ola pea nai fanau e fua le olaga i aso ua alu, e le fa’apea e le 

Na ia fa’ailoa, “E le’o toe natia le tulaga ile faigata ole olaga o lo’o tatou ola ai nei, ae peita’i, a tatou nofonofo ma fa’apalapala, ona atili ai lea ona tatou pologa,” o lana fa’aaliga lea i le Fofoga o Samoa. 

“A le alu lava le tagata e galue ma sa’ili auala e maua ai se tupe e tausi ai lana fanau ma lona aiga, e le manuia foi lona aiga. 

“E le fa’apea a leai loa se galuega ona nofonofo loa lea ma fa’atalitali e alu atu se isi e avatu se tupe e tausi ai lau fanau. E tau le fa’alagolago fua i isi tagata e maua ai mai se tupe. 

“E tu lava le tagata ia i ona vae auā se manuia o lana fanau ma lona aiga.”

© Samoa Observer 2016

Developed by Samoa Observer in Apia