Aso mo fitafita o taua ne’i galo ia tatou

By Marj Moore 25 April 2016, 12:00AM

Ui sa tau-tuta’ia lava nisi o tapenaga o le fa’amanatuina o le Aso mo Fitafita o Taua o lenei tausaga 2016, a ua mautinoa lava, sa sologa lelei mea uma ma le-‘timu le taimi o le savali’.

O le ono i le taeao nei, na fa’atino ai le savali masani ma se faiga-lotu mo Fitafita o le Taua, e tusa o ripoti mai le Peresetene o le Asosi a Fitafita o le Taua a Samoa, le Afioga a Tuala Iosefo Ponifasio. 

O le Savali i le taeao analeila, na va’aia ai nisi o fitafita o taua o lo’o soifua pea, o sui o malo mai fafo, o ta’ita’i o le atunu’u, o malo fa’aaloalogia, o suli, uo ma ‘aumea-mamae a fitafita sa i le taua, fa’apea nai tausi-soifua sa potopoto i luma ane o le Uati Tele i le Taulaga – le Ma’a Fa’amanatu o le Taua Muamua a le Lalolagi mo se sauniga masani e manatua ai i latou sa i le taua. Na mae’a le sauniga, ona aga’i atu lea o le solo i le Ma’a-Fa’amanatu o le Taua Lona Lua a le Lalolagi (i lumafale o le Fale Meli) a’o le’i ta’ape atu ai i le Maota o le Asosi a Fitafita o Taua, le RSA.

 “Ona alo lea i le malu-taeao ma saunoaga o le Aso Fa’amanatu, mai le Ali’i Palemia, le Hai Komesina o Niu Sila ma a’u nei, soso’o ai ma fa’afiafiaga na saunia e le Fa’aili a Leoleo. O se avanoa fo’i mo tagata-Samoa ma nisi o isi atunu’u sa i Taua e toe feiloa’i ai, e talatalanoa ma fa’amanatu le taimi a’o vevesi le lalolagi.” 

Ina ua mae’a le malu-taeao, sa aga’i loa e momoli ma tu’uina atu pale, o teu-fugala’au ma pine-fa’amanatu i le fanua-tanu i Magiagi.

Na ta’ua fo’i e Tuala, e ui ina sa tuai ona fa’atauina atu pine, o fuala’au-fa’apitoa i le vaiaso talu ai, a’o lea o le a fa’atauina atu mo nisi o le a a’uai i sauniga i le aso.

“Ua fai lava si faigata o lenei tausaga ona ua tuai ona fa’alauiloa atu o polokalame ma tapenaga uma mo le Aso o Fitafita sa i Taua,” o lana saunoaga lea.

 “O fuala’au nei, o fa’ailoilo o le filemu ma manatua ai nai o tatou tagata sa ia taua, ma o le a talia fiafia fo’i ni foa’i mo lea lava fa’amoemoe,” 

O tupe uma o le maua mai lea taumafaiga, o le a fa’aaoga mo le fa’amanatuina o le Aso mo Fitafita o Taua i tausaga ta’itasi.

Na ta’ua fo’i, o le tausaga talu ai, le taimi muamua o le fa’amanatuina o le Senetari o le Aso o Fitafita, ma sa tele se seleni sa fa’aaluina ai. “O le tausaga nei, talu ona tula’i mai o le komiti fou lea, e fesuisuia’i lava ma le-tumau i se fuafuaga mautu.

“Sa fa’atino le su’eina o tusi a le Asosi ma o lo’o iai nei ia latou ia – su’etusi vaega uma ma ripoti mo’omia.

E moni fo’i e le matua atoatoa se iloa o le komiti, a’o nai ‘ese’esega lava na tula’i mai ona o le totogi o le fale e le o matua lelei mai le Vaega a le Tatiana o lo’o fa’aaogaina le fale o le Asosi, ua tuai ai fuafuaga-mamao mo le aga’i i luma o le RSA. 

 “Sa avatu iai se tusi e fa’amutaina ai lo latou fa’aaogaina o le fale ma tu’u iai le ono masina e tapena-‘ese ai.” 

Peita’i, o lo’o finau mai le kamupani – na muta la latou lisi i le 2011 – e fa’apea, e tele a latou tupe e le’i totogi atua, ona o nisi o galuega sa fa’aleleia ai le fale, o lana fa’aaliga lea. 

Moni o le fale lea e pulea e le Asosi a Fitafita o le Taua (RSA), e ‘ese ai le mata’upu i le ‘ele’ele o lo’o iai le fale. 

 “I le amataga lava, na fa’amea-alofaina e O.F.Nelesoni peita’i o se suiga o le puletga ma le tulaga o le tuto’atasi o Samoa, na lafo ai loa le pulea o ia mea i le Malo o Samoa. 

“Na fai le matou lisi ma le Malo, lea na matou manana’o e fa’afou ma o lo’o talotalo matou te fono ma le Malo fa’apea le Matagaluega o Puna’oa Fa’aleNaturaa ma le Si’osi’omaga, e faia se isi lisi fou,” o lana fa’aaliga lea. 

 “A mafai ona fai o le tulaga lena, o le a mafai lona ona matou fa’atino  o nisi fuafuaga i le fanua lea ma fa’atele la ‘au’aunaga ma tupe-maua a le RSA, o lana fa’aaliga lea. 

O le Aso Fa’amanatu o Fitafita o Taua, o se aso e fa’amanatu i Ausetalia ma Niu Sila ma isi motu o le Pasefika. E fa’amanatu ai fo’i – i lona ao-tetele, fitafita Ausetalia ma Niu Sila fa’apea tausi-soifua mai le Pasefika, “sa ‘au’auna ma maliliu ai i taua uma, o fe’ese’esea’iga, ma gaioiga o le tausisia o le filemu” ae maise lo latou “ sao-iloga i a’afiaga sa latou feagai a’o tautua.” 

By Marj Moore 25 April 2016, 12:00AM
Samoa Observer

Upgrade to Premium

Subscribe to
Samoa Observer Online

Enjoy unlimited access to all our articles on any device + free trial to e-Edition. You can cancel anytime.

>