Ua matua gūgū lava le Palemia

By Lanuola Tusani Tupufia 25 March 2016, 12:00AM

O loo tumau pea ona lē gagana le Palemia o Tuilaepa Sailele Malielegaoi-e uiga i lipoti e faapea ua uma ona ia tofia ni Minisita Lagolago se 13.  O le mea moni lava-na fesiligia e le Samoa Observer anapo, ae na teena e Tuilaepa ia lipoti, ma fai mai e le’i faia ni tofiga. 

“O le a tofia i latou pe a o’o mai le taimi,” o lana faaaliga lea. “ Ma o le a faatautoina i latou pe a faatauto.”  Na ia faailoa mai i le Samoa Observer ina ia “o atu taeao (o le asō lea) pe o le itula e fa.”

O Ananafi, na fono ai le faa-faletui a le H.R.P.P mo se umi e ono itula i le maota o le malo.I tausaga ua mavae, o le tofia o Minisita Lagolago sa talanoaina ma ma fai le tonu e le faa-faletui. 

Ae ui o lea, na faaalia e se puna o faamatalaga faatuatuaina i le Samoa Observer e faapea ua le faapena le faiga i le taimi nei. Ua lafo atu lava i Minisita- latou te filifilia a latou lava Minisita Lagolago.

Na faaalia e lea puna o faamatalaga e faapea o nisi o suafa na fautuaina e aofia ai So’oalo Mene, Taefu Lemi, Ali’imalemanu Alofa Tu’u’au, Lealailepule Rimoni Aiafi, Lenata’i Victor Tamāpua- e ese ai mai isi. 

O le vaiaso talu ai na faalauiloa ai e le Palemia o Tuilaepa e faapea o le a na o le to’atasi le Minisita Lagolago a le Minisita, e ese ai mai le faiga o le tofi o le tele o Minisita Lagolago. 

In announcing his Cabinet, Tuilaepa emphasized the value of team work.

“Ou te fia faailoa atu e faapea  o lea filifiliga ua faamaonia lona sili atu ona faigata pe a fua i le taua  o le mautinoa pea o se iloiloga paleni lelei o le tele o itu e aofia ai le poto masani tau le tagata lava ia, poto faapitoa, mea e mafai ona ia faia, o tausaga o le poto tau polokiki, se tufatufaga tonu i le atunuu atoa ma ia talafeagai ma itumalo ia e le’i i ai lava so latou sui i totonu o le Kapeneta,” o le faaaliga lea a Tuilaepa.

"O filifiliga tatou te faia e ‘amuli ona avea ma o tatou tiute tauave, ma ua ‘ou matua iloa lelei  e faapea o le potopoto faatasi-o se amataga lea.” 

"O le Galulue faatasi o se laasaga lea i le manuia. O lenei agaga o le galulue faatasi ua ‘ou fautuaina ai i latou e faapea mo i latou o le a le filifilia mo tiute faa-Minisita-ia e le o’o i ai o latou mafaufau-e tele  isi avanoa o loo i ai i totonu o taualumaga faa-Palemene ma faiga masani. 

“I tagata o Samoa, ua matou iloa e faapea a outou faatuatuaina i matou, o loo i ai foi o matou faamoemoega maualuga i le avea ma outou ta’ita’i ua filifilia. “I Sui Usufono uma o le Palemene, ua tuuina mai ia i matou tiute tauave ia o loo manaomia ai faiga faavae mo galuega e le masani ai, ia le manatu faapito, tulaga mamalu ma le mautali atu i itumalo na aumaia i matou iinei.”

 “I le avea ma outou ta’ita’i, o le a matou tauivi ina ia ‘ausia le mea sili e tusa ai ma le malosi e mafai ona matou tuuina atu faatasi ai ma a outou tatalo ma le faala’ei’au e ala i le fesoasoani mai a le Atua, o le a matou mafaia ai ona faato’ilaloina lu’itau.”

By Lanuola Tusani Tupufia 25 March 2016, 12:00AM
Samoa Observer

Upgrade to Premium

Subscribe to
Samoa Observer Online

Enjoy unlimited access to all our articles on any device + free trial to e-Edition. You can cancel anytime.

>