E le tatau i fanau se aia tatau

By Ilia L. Likou 25 January 2017, 12:00AM

O le talanoaina ai o le aia tatau o fanau e tele i latou o lo’o fa’aalia o latou finagalo e fa’atatau i lenei mataupu.

Na maua le avanoa ole Fofoga o Samoa ma le tamā i a Kaisala Farani, 55 le matua o le soifua o Fagali’i-Uta, na ia fa’ailoa ai le le auai o lona sui i aia tatau a fanau e pei ona ua amata ona fa’ailoa mai e le tele o fanau.

“I a  te a’u lava ia e matua’i o’u tete’e lava i lea tulaga ma o se itu e ao ona otoe silasila i ai le malo afai ua uma ona pasiaina e ao ona toe silasila ma silasila i ai po o sefe tagata Samoa i lena vaega.

O lona talitonuga e tatau ona toe fa’ata’atia.

“Ia o le mea lea e va’ai atu ai ia e ao lava ona toe Iloilo ma saga Iloilo, ia o a’i ni fanau na leaga i la aso ona o le sasa a matua.

“E leai se matua valea o le a sasa lava i le mea e oti ai, e leai se tulaga fa’apena e ao lava ona silafia lelei e le atunu’u lenei, o a fa’aiuga fai ia manatua e le afaina ai le lumanai.

 “Ia o a’u e to’aono la’u fanau ma o le itu mautinoa e le tatau lava ona i ai nei ituaiga o vaega tulafono fa’apea i Samoa.

 ‘Ia o le tele o e ua mavae atu ma totoe mai lenei taimi ia o le 2x4 e talanoa fa’atoa mafai lea ona fa’atonu mulimuli.

“Ia o lea lava le olaga sa i ai, ma ole olaga fo’i lea na ou ola mai ai.

 “O si o’u tamā i la’u ia va’ai ai e matua’i saua lava, ae ina ua ola ane ma ou va’ai o lo’o afifi totonu lona alofa fa’amaoni mo i matou lana fanau.

 “Ia o lea fo’i la ua fai fanau o la’u ia lea una’i i tamaiti ia taumafai ia ola ai fo’i ma fa’atonu lelei a latou fanau i le ala e latou te iloa e le puapuagatia ai pe a o’o ina matutua.

 “Ia ma o lea lava le tulaga ou te tete’e ai lava a’u ia , i nei vaega ua fa’ailoa mai, ma e tatou te leiloa po ole o lo’o fa’atali mai a taeao.

“O lo’o manino lava Tusi Paia, ia a’oa’i le tama e tusa ma ona ala a’o ititi aua a matua e le toe te’a ese ai.

“Ae faigata o si o tatou atunu’u ia ua mimilo solo le tele o vaega ma o le fa’afaigata fo’i lea e pei ona ua i ai nei aso i le tele o le mau tulafono o lo’o ua tatou i ai.

By Ilia L. Likou 25 January 2017, 12:00AM
Samoa Observer

Upgrade to Premium

Subscribe to
Samoa Observer Online

Enjoy unlimited access to all our articles on any device + free trial to e-Edition. You can cancel anytime.

>