Fa’aletonu le suāvai maua

By Vatapuia Maiava ma Sarafina Sanerivi 24 November 2016, 12:00AM

O le fa’aletonu o le suāvai maua i Ti’avea o le fa’afitauli lea na fa’ailoa e le tamā i a Tupa’i Agafili o le afio’aga i i le Fofoga o Samoa i le aso ananafi.

I lea fa’atalatalanoaga na ia fa’aalia o se fa’afitauli ua loa tausaga o feagai ma le afioaga ma e o’o mai le asō o lo’o pagatia ai lava ma ua mana’omia lava se fesoasoani vave.

“O si o matou nei afio’aga ia o tulaga masani lava i aso uma, o fe’au fo’i lava aua lava tausiga o aiga ta’itasi ma o lo’o solo lelei mea uma i le alofa o le Atua.

“E pau lava le mea o lo’o fia mana’omia i le taimi lenei o le itu tau suavai, e moni o lo’o fai ma sua mai paipa, ia ae o se tulaga faigata lava o lo’o i ai le taimi lenei.

“E moni lava o lo’o ola, ae le’o atoatoa lea tulaga ona  o nisi lava o vaitaimi ia e atoa le ta’i lua masina e le o’o mai se suavai.

I lea fa’afitauli o lo’o ua feagai ma le afio’aga, o lo’o i ai le popolega ona o le va’ai alofa i nai fanau.

“E tu’uina atu lava ma le manino, ia e maomao atu lava i tai le vaega e tau asu mai ai le vai i aso uma pe a leai se suavai.

“O le galuega tele e fai i aso uma.

“Ia o le mea lea e i ai matou e pei e a loto lava le vai e  fia sua mai, ia ua sua mai lava , ae pei o lea se pologa o lo’o ua feagai ma i matou i tua nei.

“E  aoga lava i tagata matutua le tauamoina mai o paelo vai aua e mamao i lalo le vaega e asu mai le vai, ma e le aoga mo le fanau ona o le va’ai alofa o le laiti o nai tamaiti.

“Ua uma ona fa’ao’o le talosaga i le Ofisa o le Suavai mo lea tulaga ma o lo’o va’aia le omai o galuega ae le’o i ai se suiga lelei e o’o mai lava i le taimi lenei.

“ Ia o le talosaga vaivai i le malo ia alofagia, ona ua pologa i matou i le tulaga pagatia o lo’o ua i ai nei, ae ao lava ina toe tuitui atu le malo ona o o le fia maua se fesoasoani.

“A maitau mai, ia ua le o se tulaga lelei o lo’o ua feagai nei ona o mafatiaga e pei ona outou maitau mai.

By Vatapuia Maiava ma Sarafina Sanerivi 24 November 2016, 12:00AM
Samoa Observer

Upgrade to Premium

Subscribe to
Samoa Observer Online

Enjoy unlimited access to all our articles on any device + free trial to e-Edition. You can cancel anytime.

>