Leai se eletise leai foi se suavai
O le tina ia Sa Tevaga ua toalua le la fanau ma o loo nonofo i Aleisa. O Sa ma lona aiga e lei ola lava se latou vai poo le eletise talu ona nonofo i le nofoaga o loo i ai nei.
“Oute iloa ina e faigata ona talitonu tagata i le faafitauli lea o loo matou ola ai nei, aua ua 2017 ae e lei ola mai lava le matou vai male eletise.”
“Ae pei lava o le vai le faafitauli lea patino iai.”
“Ae tau sao atu lava, e ese le faigata ma e tate fati gofie ai lava ile faatinoina i lea aso ma lea aso.”
“A oo ina matou o e asu vai, ia e le o se galuega faigofie aua e oo i auala ia matou te faaaoga ole matua tele lava ole faletonu.”
“E le mafai ona ae i ai se taavale aua e leaga, o le mea lea matou te paka ai le matou taavale i luga ae laa I lalo e asu vai ai.”
Sa faasoa mai foi le tina, o lona popolega lava o lana fanau aemaise o loo tuputupu ae. O le soifua maloloina lava o le fanau e faamuamua e le tina.
“Ou lou popolega lava o si au fanau, e manomia lava le vai mama aua i laua.”
“O le mea lea, e manaomia ai lava le vai.”
Sa faasoa mai le tina, ua atoa le valu tausaga talu ona nonofo i o, ma o le faafitauli lava lea ua leva tele ona feagai ma i latou. Sa faapea mai foi, sa talosaga ina le malo mo se fesoasoani ia faaoo atu le vai ae peitai e lei tali mai lava.
“Ua fai si leva talu ona ave le matou talosaga ae ua nao tala lava ae leai ni faatinoga.”
I le itu i le eletise, sa faapea mai le tina e manaomia le iai o le eletise, o loo faatali lava le malo i le taimi e o atu ai e toso le latou eletise.
“E moni e manaomia foi le eletise ae e pei lava o le vai le ki lea ole ola.”
“Ma o le mea lea e talosaga atu ai foi, a leai se vai ua lava a se tane vai matou te faaoga.”
“Aua mo le taimi nei, o nai kaloge vai lava ia o loo faoga ma fagu pau e ki ai matou vai.”
“Ae manao mia lava se tane vai lapoa.”
Faimai le tala a le tina ia Sa, o loo sologa lelei lava mea uma i le tausiga o aiga ae pe nao le pau lava le faafitauli o loo feagai nei ma i latou o le vai lava ia male eletise foi.