O le aoga o fua o la’au

By Fetalai Tuilulu’u 23 April 2017, 12:00AM

Tele lava na tatou fa’alogo o tagata Samoa e ola sa’oloto lava ona o fanua ma eleele peitai  e leotele galuega le tagata nai lo lona siufofoga.

O le aso ananfai na maua ia le fa’atalatalanoa le Fofoga o Samoa ma le tinã ia Nive Afele o Faleula, o lo’o fa’amoemoe le aiga le fanua ma fuala’auaina e ola ai. 

O le fa’afitauli o lo’o iai nei Nive ma si ona aiga o le utiuti lava o le seleni, o le isi itu o le taugata le soifuaga.

“O le taimi nei ou te talitonu lava a’u ia ua taugata lava le soifuaga. O lana lea tala i le Fofoga o Samoa. 

“O le tupe maua a si o matou aiga e le lava ai le fa’asoa aua ua taugata le soifuaga peitai o lo’o mafai lava ona maua ai le mea’ai le fanau aua ua taugata lava oloa mai faleoloa. 

“E leai se tasi o faigaluega si o matou aiga, o lo’o fa’amoemoe mea uma I fua o fa’atoaga, o lea foi e leai se vai maoti lava a si o matou aiga, e fa’alagolago lava i le vai a si o’u uso i autafa atu,  e le gata foi i lea o le eletise e ola tasi uma mai lava i le tasi foi o o’u uso o lo’o matou nonofo ai nei. 

“E pei o le tupe lava le fa’afitauli o nisi o aiga, a leai se tupe ua leiloa le mea a fai. 

“O nai tupe maua mai i le fa’atauina o fua o fa’atoga e pau lea o se tupe e maua nei I o matou lima aua foi e leai se tasi e faigaluega. 

O le ala foi le o le tau mai foi o le tou ofisa o lo’o galue atu le tau faiga o nei fa’atoaga aua lava mea toto ina ia maua ai se tupe fa’asili mo le fanau. 

“Ia o la’u lea lava galuega I aso uma, o le usu mai le taeao, e toto le kukama ma le kamato aua lava le atina’eina o aiga ma mea fai. 

“A o’o foi la na fua fa’atoaga ia o a’u lava le tinã e gafa ma le fa’atauina fua o fa’atoga. 

“Ia e to’atele si o matou fanau, ma tele feau ma tiute fa’aletina petai e leai lava se paie e faia i nei lo’u aiga. 

“O le naunautaiga ia te a’u le tinã ina ia galue malosi ma pulupulu lima fa’atasi e mama ai se avega. 

Sa taua foi e le tinã e ui lava i leai se tupe ma le mativa e taumafai lava. 

“Ia o lo’o ola fiafia lava le mea taua.

By Fetalai Tuilulu’u 23 April 2017, 12:00AM
Samoa Observer

Upgrade to Premium

Subscribe to
Samoa Observer Online

Enjoy unlimited access to all our articles on any device + free trial to e-Edition. You can cancel anytime.

>