Galue malosi mo lou aiga
O le naunautaiga lea o le Tina ia Penina Sopi, 71-tausaga le matua mai Fagalii, o lou galue malosi e umi ai aso lou soifua i lenei lalolagi.
Na maua atu e le Fofoga o Samoa le tina ia Penina i lona fale, ina ua maea sana galuega i le taeao o le aso ananafi, ma vaaia ai o ia o se tina galue malosi pe a fua atu i tausaga o lona soifiua o lo’o iai nei.
“Ou te fiafia a a’u ia out e galue i aso uma, au ape a fua atu i nisi o i latou ua aulia lea tausaga, ua maua i ma’i o le tino ae o a’u, e leai se ma’i e maua ai, o lo’o maua lava le malosi mai le Alii aua a’u galuega o lo’o faia” o lana tala lea I le Fofoga o Samoa
“E tele ina faimai nisi o tagata ma la’u fanau e tu’u, ae o lo’o faaaoga ai lo’u taimi i aso uma, o le faamamaina lea o luma fale ma tua fale ina ia mama mo aso uma.
O lo’o nonofo nei Penina ma lana tama teine e toatasi ae o lana fanau uma o lo’o i gauta lava o Fagalii ma o latou aiga-
“Ua faigaluega tamaiti ma ua fai aiga ma ua atia’e foi o latpu lava aiga, aua o aso nei na’o matua lava ma fanau nei aso.
“Tele faitioga ua faapea ua taugata tele le tau o le soifuaga, ae e leai, o le tagata lava ia ua ala ai ona taugata, tele faatoaga ma maumaga ae o le augata lava e galulue mo aiga.
E sili le alofa o Penina i lana fanau ma ana galuega o lo’o faia-
“O lo’u manao a lea, ina ia uma atu matou i se taimi o i luma ae o lo’o iai mea e tua iai ma ia iloa ona tausi a latou lava aiga aua so latou foi lumanai manuia.
“Out e faafetai ai lava i le Atua i le malosi ua ia foaiina mo a’u u mafia ai ona ou faia ia galuega ae o lo’o maua lo’u malosi mo si a’u fanau.
O mea fai i totonu o Nuu ma Ekalesia o leisi lea alaga tupe tele mo nisi tagata ma o latou aiga, ae i le mau a Penina-
“O mea e tatau ona fai aua o mea na masani mai ai o tatou matua i aso ua mavae, ma e tatau ona faamuamua foi.
O le manaoga o le Tina ia faaauauina e lana fanauia galue mo le tausiga o a latou lava fanau ma nle atina’eina o aiga mo le lumanai.
Ua maitauina le tele o suiga ma luitau i lenei vaitau, ae e le’o malolo ai le galuega faufautua faa-tina mo ia ma lona aiga, aua so lattou lumanai manuai.
O lana fautuaga “Ia faaaoga tatau le malosi manu ua maua le ola, aua a oo ina uma le taimi galue o le tagata, ia uma foi ae ia fai mo le lumanai o lou aiga ma fanau mo le lumanai.