O le ola galue ai pea mo lelei o aiga o se itu taua lea i le tamā i a Avamua Mata’u.

I le fa’atalatalanoaga ma le Fofoga o Samoa na ia fa’ailoa ai o lo’o ia galue pe mo le lelei o lona aiga.

“Ia o a’u e fai la’u fa’atoaga ma o lo’o fa’alagolago mea uma mo le lelei alu i luma o le aiga aemaise lava o fanau.

“E leai lava se isi itu e pito sili ona lelei nai lo le galulue pea , ua le toe faigofie nei aso , ae o le uiga o la’u tala a le galulue ia e tele lava se ‘a’afiaga e o’o i ai tatou.

Na ia ta’ua o le itu lelei o le taumafai ai lava lea ina ia fa’aaoga o so’o se vaega aua o lea lava le taunu’uga o lo’o ua taumafai ai le taimi lenei.

“O lea lava le tulaga o lo’o ua i ai nei, ia e tau mai ia o lea lava ou te galue, ma e tele lava le aoga o vaega nei o le ola galue.

‘E le gata mo lelei o le aga’i i luma o aiga, ae o le tulaga o le taumafai ai lava lea mo le atina’e o so’o se faiga aua lava le fa’atumauina o vaega uma.

“Iae maua ai fo’i le malosi i le tele o taimi , aemaise ai lava le soifua maloloina lelei, ma o lo’u ia iloa i ai.

“O le taumafai lava ia fa’atino o so’o se itu lelei mo le aga’i ai le lumana’i aemaise o le tele o le mau fa’afitauli o tutupu mai pea.

‘O le taumafai ai lava lea o le itu lelei tele lea ma o lo’u iloa i ai, ia o lena lava, e leai lava se mea e mafai ona fai.

“Pe afai na o le nonofo ae le galulue.