Mana’omia se galuega
O le aso ananafi na maua ai le fa’atalatalanoaga le Fofoga o Samoa ma le tamā ia Taua Linopati o Faleula ma Palauli Savai’i
O lenei tamāe 53 tausaga le matua le soifua ma o lo’o nonofo nei ma si ona to’alua ma lana fanau to’atolu i Faleula.
“Ia o matou nei, e fa’amoemoe lava i aiga i fafo mo se seleni.
“E leai se tasi o si o matou aiga e faigaluega, pei ona tou taga’i atu le fanua e le tele se fanau e mafai ai ona fai se maumaga.
“E leai foi se alagatupe e fa’amoemoe iai ma o lea foi le ala e talosagaina ai se galuega.
“O lo’o atia’e lava le fanua ma faalagolago lava iai i mea ua maua mai tusa lava pe e le tele se tupe e maua mai ai ae o le mea taulia ia maua lava sina seleni mo aiga ma fanau
O leisi tulaga taua i le mafaufau o Taua ina ia maua e lona aiga le ola fiafia
“Tusa lava po o le a le faigata o lea e iai, ia ola fiafia le aiga ma fanau” o lana tala mai lea
O mea fai i totonu o le nuu ma ekalesia ua taugata tele pe a faatusa atu iai
“O faalavelave faale-aiga ua taugata tele ma e faia lava aua ua masani ai o tatou tagata
“Matou te iloa lava e lelava ae e taumafai atili lava iai i le malosi e gata mai ai ina ia manuia aiga ma fanau
“E faigata le olaga ua iai nei ma e le mafai foi ona tatou faia nisi tulaga aua ua masani ai
O le faamamafa a le alii o Taua e mo le tama o lona to’alua o lo’o latou mafuta.
“Ia e mana’omia lava se galuega aua le tama si o’u to’alua ma le fanau.
“Ta te fia faigaluega lava ma ou te fia maua se fesoasoani mo si o’u aiga.
E maua e feso’otaiga ma Taua i le numera 7227857.