Utiuti le suavai maua

By Ilia L Likou 21 January 2018, 12:00AM

O le le maua ai o se suavai o se itu  faigata tele lea ua i ai nei le tele o tagata ole atunu’u.

O lea le finagalo Lafua Sa, 68 le matua o le soifua o Tanumapua.

Na ia fa’ailoa o le tele o i latou o lo’o i lea vaega o le atunuu o se itu  faigata tele ona o le leai o se suavai.

“Ua o tatou iloa uma lava le taugata o le tau o le soifuaga o lo’o ua i ai nei, o le uiga o la’u tala e fa’aopopo atu ai loa ma le leai o se suavai o se itu  faigata tele atu lea.

“Ua o tatou iloa uma lava, o le suavai o le olataga lea o so’o se tagata soifua, ae pei o lea le tulaga o lo’o ua feagai ai nei o le faigata ona maua o se suavai.

“Ia o lo’o ua taumafai pea, o le a le alu i fea ma fea o le tagata ma  le soifuaga e mana’omia lava le suavai mo le soifua o tagata ola uma na faia e le Atua.

Na ia fa’ailoa o le galulue pea ma ia aua le fa’alogologo tiga le tali.

“Ia e le mau tala le tele o le mau fa’afitauli o lo’o ua tula’i mai le taimi lenei ae tuu atu ai loa ma le taugata o le soifuaga e pei la o i tonu lava ua atili ai na tele le mau mea e fa’atino.

 “Ia e pei o lea lava le tulaga o lo’o ua taumafai ai nei aiga, aua e pei o lea lava le mana’omia o lo’o ua taumafai ai.

“Ia manuia fanau amaise ia lava le fa’asoa mo le aiga mai lea aso i lea aso ia ona sologa lelei lava lea o mea uma.

“O lo’u ia iloa i ai e leai lava se mea e mafai ona fai pe a o tatou le loto i ai e pau lava le tulaga lelei ia o le taumafai lava o aiga.

“I le mafai e gata ai, aua o lea lava le fa’amoemoega mo i tatou i aso uma lava o le taumafai o aiga.

 “O nei vaitau ia a le galue e leiloa pe a fa’afefea ona fai le olaga, e pei o lea lava le finau ai lava.

“O le uiga o la’u ia tala o le ale faigata ae taumafai lava aua e pei o lea lava le fa’anaunautaiga o lo’o ua i ai nei Samoa.

By Ilia L Likou 21 January 2018, 12:00AM
Samoa Observer

Upgrade to Premium

Subscribe to
Samoa Observer Online

Enjoy unlimited access to all our articles on any device + free trial to e-Edition. You can cancel anytime.

>