Ua tatau na si’itia avanoa faigaluega i Savai’i

Tusia Ilia L Likou ,

18 Hits

Selulo Fa’aso’otauloa o Safata

Selulo Fa’aso’otauloa o Safata

O le tatau ai ona si’itia o avanoa faigaluega mo Savai’i o se itu taua tele lea.

O lea le finagalo o Selulo Fa’aso’otauloa o Safata i le Fofoga o Samoa i le aso ananafi.

I lea fa’atalatalanoaga na ia fa’ailoa ai o se itu lelei tele pe afai ae tupu.

“E mo le silafia ai o Savai’i lava ia o se tulaga faigata tele ona o le lava o avanoa mo le to’atele e maua ai ni galuega.

“E tau fesoasoani ai nei aso leaga, aua ua faigata lava...

“O le itu lava ia tau o mea’ai ia o lo’o lava, aua e pei o le sami lava o lo’o fa’alagolago ai le tele o taimi ma mea uma.

“O ma’umaga ia o lo’o pala i Savai’i, ae o se itu e fa’atau atu i luma o fale mo se tupe, ia e misi.....o le a le aoga e fa’atau ai luma o aiga o lae tofu ma’umaga tagata uma.

“I a te a’u lav ia, e ao lava ona silasila toto’a le malo i itu nei, aemaise o nu’u i tua, ma o se itu lelei tele lea i lo’u iloa i ai.

Na ia ta’ua o se tasi o vaega e maua ai pea le ola lelei, o le toso atu lea o avanoa i le motu tele.

“O le uiga o la’u tala o le a lava le tulaga o lo’o i Savai’i , e ao lava ona ave ai le fa’amamafa, ia pei lava o Upolu ma nisi o vaega tu taulaga.

“O iinei ia i Savai’i e pei o lea lava le tulaga olo’o i ai, o le lava lea o avanoa mo le tele o tagata, o se itu e ao ona silasila lelei ai, aua le aga’i atu ai le lumana’i.

“Ia o tatou taumafai lava e atia’e e manuia ai aiga, e le gata mo Upolu ae o Savai’i.

“O le upu masani lava o le a le mea e lelei mo Upolu e lelei mo Savai’i. Ae o le olaga ia i le motu o lo’o sologa lelei mea uma i le alofa o le Atua.

“E le mafai ai lava ona ave’ese mai ai le mafaufau.

© Samoa Observer 2016

Developed by Samoa Observer in Apia