Fa’ataua lou matafaioi

By Aruna Lolani 21 July 2017, 12:00AM

O le tamā ia Tapunu’u Isaia o ia o se faifa’atoaga na fa’atalanoa ma le Fofoga o Samoa ma sa ia fa’ailoa mai le vaega o lo’o ave ai lona fa’amuamua. 

“O lenei olaga e le’o toe faigofie, ae ou te ta’utino atu o le tagata lava ia le na leaga. 

“Ia e pei foi na tau mai le tou polokalame ia o lo’o malolo mai foi galuega masani lava o le asia le maumaga. 

“O le fanau e faigaluega ae o lo’u lava lea masani ou te le mana’o e fa’amoemoe foi le fanau se mea e fai. 

“E ia te’i latou e su’e le tupe ia ae ia te a’u e toto le fa’i ma le talo. O le galulue fa’atasi lava le vaega taua. 

Sa taua e le tamā le aoga o lona maumaga. 

“E tele le aoga le maumaga auia foi e fesoasaoni tele i fa’alavelave. 

“O mea fa’alenu’u ma le Ekalesia ia aoga iai le maumaga aua e o vaega taua uma nei.

O le avea ai o le tamā ma se tasi e fa’amoemoe ai lona aiga ma le fanau e se fiafiaga tele i a te ia.

“Ia o fe’au masani lava o lo’o faia i aso uma aemaise lava le tausiga o le fanau.

“E i ai lava isi taimi e le lava le faasoa ae o lo’o taumafai lava i le mea e gata ai le mafai ina ia solosolo lelei pea le gasologa o le olaga.

 “O le taimi lenei, o lo’o i ai le fa’ato’aga ma ou te iloa toeitiiti o’o le taimi e selesele ai fo’i ia ae le gata i lena o  ma mea tōtō  o lo’o faalagolago ai i le tele o taimi.

E ui nei vaega uma ae a leai se vai ua faigata le olaga. 

“O le tulaga lava ia le suavai i nei e talu na feola mai e leai se suavai,” o lana le tala.

“O le tasi lenei o fa’afitauli o lo’o iai nei o le vai, e la’u mai lava gatai le vai. Ua tele foi lona fia nofo mau i uta nei ae o lona lave na o le leai se suavai. 

“O se tasi foi o aso sa ou alu ma ou moe gatai le aai le matou aiga ae o’u usu mai le taeao ua gaoia foi le talone vai. Ia e leiloa lava po ai ua avea aua foi o le tele nai aiga nei e leai se suavai. 

E maua le feso’otaiga ma Tapunu’u ma se tasi e fia fesoasoani ai. #7605577 

By Aruna Lolani 21 July 2017, 12:00AM
Samoa Observer

Upgrade to Premium

Subscribe to
Samoa Observer Online

Enjoy unlimited access to all our articles on any device + free trial to e-Edition. You can cancel anytime.

>