Matauina e le Ekialesia le tele o tupe maumau i le Fale Mataaga

By Lanuola Tusani Tupufia 21 May 2016, 12:00AM

Ua leva ona maumau le sili atu i le $100,000 i le tausaga a le Ekalesia Faapotopotoga Kerisiano i Samoa (C.C.C.S.) i lona Fale Mataaga. O ia tupe maumau na faaalia i le faagasologa o le Fono Tele Faale-Tausaga i Malua i lenei vaiaso.

O lea Fale Mataaga e $5.7 miliona lona tau, na tatala i le lima tausaga talu ai, sa fuafua e teu malu ai le anoano o ituaiga o galuega tauilima a Leulumoega School of Fine Arts..

Ae peitai-o tupe maumau talu ona tatala-ua matua faateteleina.Na faaalia e se sui o le Komiti o Me Tau Tupe a le Ekalesia e faapea i le 2014, na faamauina ai e le Fale Mataaga se tupe maua e $20,395 faatasi ai ma aitalafu e $185,000.

O le mea la o lenei mea-o se tupe pa’ū lea e $165,000. I le tausaga na soso’o ai, a’o faateleina pea tupe maua i le $37,000, o tupe faaalu e $216,000-ma o lona uiga-o tupe pa’ū na faateleina i le $181,000.  

E tusa ai ma se sui o le Komiti, ua o’o i le taimi e fai ai ni suiga.“ O le o aliali mai (digits) ua ta’u mai ai ia i tatou se faagasologa o le faateleina pea o tupe pa’ū i tupe mamā,” o lana faaaliga lea.

Ua lagona e le komiti e faapea o le faia e sili ona lelei e faaleleia ai lenei atiina a’e –o le tuuina atu lea i lalo o le komiti a a’oga na te faafaigofieina le galulue faa-paaga ma le Leulumoega School of Fine Arts.” 

Na faafetaia e le Pule o le Fale Mataaga o Tuigamala Opetaia Liu-taunuuga ae fai mai ua faatino e le fale mataaga le faagasologa i luma. .Ina ua tofia o ia ia Aokuso 2013, sa tapunia le Fale Mataaga mo sina taimi talu ai ona sa le i se tulaga lelei. 

“O le isi mea na ‘ou maua ina ua ‘ou taunuu i lea nofoaga-o aseta sa i totonu o le fale mataaga-sa le resitalaina,” o lana faaaliga lea.“ Sa tele galuega taulima na leiloa ma gaoia. O lea ua resitala i le taimi nei aseta faapea foi ma le Fale Mataaga-o lea ua resitala i le taimi nei e avea ma pisinisi.”

A faatusatusa la i tausaga ua mavae, fai mai Tuigamala-sa i ai se taimi i ona lua atu sa na o le $1,000 ai le tupe maua a le Fale Mataaga. “O le mea lea ou te tau fai atu ai e faapea o le Fale Mataaga e le pei o se supamaketi e na ona o atu lava o tagata faatau loa mea’ai,” o lana faaaliga lea.

“I le taimi nei-o loo matou fai paaga ma le Pulega o le Turisi a Samoa ma isi e pei o le malae vaalele ma le Faletalimalo o Tanoa ia o le a fesoasoani mai i le galueaina o tupe maua. “Mo le faagasologa i luma-ua i ai sa matou fuafuaga ua fuafuaina mo le isi lima tausaga ma e o’o atu i le isi tausaga-ua i ai se isi a matou fuafuaga mo le vaitau o tausaga.

By Lanuola Tusani Tupufia 21 May 2016, 12:00AM
Samoa Observer

Upgrade to Premium

Subscribe to
Samoa Observer Online

Enjoy unlimited access to all our articles on any device + free trial to e-Edition. You can cancel anytime.

>