O LA’U TALA FO’I

21 March 2016, 12:00AM

1. Matauina i Tala Fou fai mai ua tofia ni So’o e 12-ma o lea faaupuga e faasino i le tofia o Minisita fou e 12 o le Kapeneta a le Palemia o Tuilaepa Sailele Malielegaoi. O le matau la i ia Soo-e peiseai e to’atele Soo fou ae to’aitiiti Soo tuai-ma atonu e i ai se mafuaga e pogai ai.

O le matau la i lea Tala Fou-ua tutusa le aofa’i o Soo o Tuilaepa Sailele Malielegaoi ma Soo o Iesu Keriso le Faaola. I le taimi nei la-e le o mautinoa le pogai tonu ua faatutusa ai Soo o le Palemia ma Soo o le Faaola o le lalolagi.

E pei lava ona tatou iloa- o le 12 o Soo o Iesu le Faaola-o le aofa’i lena o ituaiga e 12 o tagata Isaraelu-ae le o iloa la le pogai ua faatutusa ai Soo o Tuilaepa ma Soo o le Faaola. Afai la o se tasi lava o Soo o Iesu na faalataina o Ia-e tatau foi la ona i ai se Soo o Tuilaepa na te faalataina o ia! O lea la ua tutusa le aofa’i o Soo o Iesu ma Soo o Tuilaepa-ae a fua la i mea na fai e Iesu ma mea na fai e Tuilaepa-e matua telē lava le eseesega.

O se tasi la mea mata’utia na fai e Iesu-o le fafagaina lea o le motu o tagata sa fia’a’ai-i areto e lima ma i’a e luagalau! Na faamalolo foi e Iesu tagata mama’i-ae sa sili ona alofa i tagata matitiva. A fua la i le taimi nei ma le mativa ua o’o i ai le atunuu-e leai lava se taimi na fafaga ai e Tuilaepa le atunuu! Na maliu foi Iesu i le Satauro ina ia faaolaina le lalolagi agasala-ae ailoga e mafai e isi ona fai se mea faapea? E i ai se faiga pi’opi’o na fai e Iesu? O le finagalo o Iesu-“Ia e alofa atu i lē lua te tuaoi-ia pei o oe lava ia te oe! O le a sou taofi? 

2. Matauina foi se ulutala fai mai –“O se vaitau fou i le tala faasolopito o polokiki a Samoa! O le matau la i ata o lea Tala Fou-o le faa-tautoga aloa’ia o Sui Usufono fou o le Palemene! O lea la faaupuga o le ‘vaitau fou’-e peiseai e faasino i Sui Usufono fou ua tofia e avea ma Minisita o le Kapeneta-ae le o ni faiga fou e fo’ia ai le anoano o faiga pi’opi’o a le faigamalo! Ana faapea la o se isi faigamalo fou-semanu ua matua tonu ma sa’o atoatoa lea faaupuga! E mafai faapefea ona fai mai o se vaitau fou tau le tala faasolopito o polokiki a Samoa-ae o le vaega lava e tasi lea o loo faafoeina le Malo o le atunuu?

A mafai faapefea ona fai mai o se vaitau fou o le tala faasolopito o upufai o Samoa-ae o lea ua savali i le 40 tausaga o faafoe le atunuu e le faigamalo o loo i ai nei-ae le o mafai lava ona tineia faiga pi’opi’o? Afai la o lea faaupuga e faasino i ni Sui Usufono fou e le faimea pi’opi’o-ia atonu ua sa’o lelei ma talafeagai-ae o le fai mai o se vaitau fou ae o lea lava e ta’ita’i le atunuu e tagata faimea pi’opi’o-e faapefea la ona fai mai o lea ua i ai se vaitau fou? O le a sou taofi? 

3. Matauina foi i Tala Fou fai mai –“I le taimi nei-o lea ua avea ma Palemene o Samoa”-ma o le faaaliga lea a le Palemia! O lona uiga-e ese le Palemene lea sa faafoe e le faigamalo i le tolusefulu ma ona tupu tausaga talu ai? Afai la o lea faatoa avea ma Palemene o Samoa-o le a la le ta’u o lea Palemene? Afai la e le o se Palemene o 

Samoa i le tolu sefulu ma ona tupu tausaga talu ai-e le tioa lava a sasao faa-afi le faimea pi’opi’o o le Malo! Afai la o lea faatoa avea ma Palemene o Samoa, o ai na aveeseina lea ta’u- i le tolu sefulu ma ona tupu tausaga talu ai? E le tioa la a le mafai ona tuuina atu faiga pi’opi’o a le faigamalo i le Faamasinoga –ona e le o se Palemene o Samoa! E fai e matua ua tofafā mai Tia-o le Malo o Samoa ae fai mai outou e le o se Palemene o Samoa? O le a sou taofi?

21 March 2016, 12:00AM
Samoa Observer

Upgrade to Premium

Subscribe to
Samoa Observer Online

Enjoy unlimited access to all our articles on any device + free trial to e-Edition. You can cancel anytime.

>