Manatu o le Fa’atonu - O le Faapalepale o le mea moni lea e sili ona taua

20 February 2016, 12:00AM

Tusia - Mata’afa Keni Lesa

Faaliliu e Seagaitumua Tupuola

O se tasi o mea uiga ese ma e mautinoa lava le talanoaina soo e uiga i se suiga i le Faiga-Palota Lautele o lenei tausaga-o le teuteuga lea o le Faavae ina ia mautinoa ai e faapea a itiiti mai o le 10 pasene o le Palemene –o le vaega lea o tamaitai.

Ua una’ia lea mana’o ina ia vaaia ai ni tamaitai se toatele i totonu o le nofoaga o le pule i Tiafau, o lea suiga o le tulafono ua vave tulai mai ai se unaiga i le itu lea i le aofai o tamaitai ia ua si’i o latou aao ina ia filifilia.

Mai le itiiti if ii lo le 10 sui faatutu i le faagasologa o le Faiga-Palota Lautele talu ai i le 24 ua faamaonia mo lenei tausaga; o le mea moni o se tulaga faaleleia lea-o se tulaga lea e tatau ona matauina pe vaaia e avea ma laasaga i le itulagi sa’o. Ae peitai-o loo tatou soifua i se lalolagi lea tatou te manaomia vave ai se loto faamalieina ma le faanatinati o mea uma. O le a i ai tagata ia atonu o le a latou lagona le le fiafia ona o le le toatele o tamaitai o loo tauva. Ma o se manatu taua foi lea. 

A fua i le una’i malosi a Tamaitai o Malo Aufaatasi, Samoa Ala Mai ma vaega uma lava o loo taumafaia lea tulaga-ia sa galulue mo ni tamaitai e sili atu e tauva e avea ma sui faatutu, e lagona e se tasi le lagona e faapea-ioe-atonu sa tatau ona toatele atu. Ae peitai- e le tatau foi ona tatou mamao ese i luma- mai ia i tatou lava uso e.

E tatau ona tatou faia se amata i se mea ma le aofai o sui faatutu ua ia i tatou e o’o mai i le taimi nei-o se amataga uiga ese lea. O le mea moni, o suiga e manaomia le taimi ma o se tasi lenei o itu e avea ai le onosa’i ma le faapalepale ma mea e sili ona taua. 

O le mea moni e faapea o se mea valea ona faapea  e tatau ona manumalo uma sui faatutu tamaitai- talu ai ona o lea ua uma ona tuuina atu i ai se una’i malosi-ma se faalauiloa faatosina malosi–ina ia mafai ai ona maua tagata palota o le atunuu e lagolagoina i latou.  Ina ia mafai ona tino mai le vaaiga ina ia ‘ausia le tulaga tutusa o tagata i totonu o le Palemene, e tatau ona tatou talia le itu e faapea e umi se taimi e faatino ai. E matua tele lava ma tele taimi e manaomia. Ioe o le a anoano loimata, faanoanoaga ma le le fiafia i le faagasologa o le ala. E le o se folauga sologa malie, o le a i ai ‘omo’omo ma mea uno’oa. O le a i ai mea faatiga. Ae peitai-o se vaega lena o le faagasologa. E tatau ona faailoa atu e faapea o le vaega a le Samoa Ala Mai na latou filifilia se failauga lelei ma le lu’itau o ana saunoga e pei o Aumua Amataga Coleman mo a latou taualumaga i lenei vaiaso. O lana tala e faasino i le lotomau, finau ma le tuu atu atoatoa o le tagata i se galuega –lea e le mafai ona maluelueina.  E lei to’ilalo o ia i se taimi e tasi, lua, tolu a’o i luga o lona ala i le mea o i ai o ia i aso nei. Sa tauva o ia ma faia’ina i ni taimi se tele e 11 ae mulimuli ane ona manumalo. Afai la e le lava lena e una’ia ai o tatou tamaitai- ou te le iloa la poo le a le isi mea na te mafaia  ona una’i. 

O le manatu e faapea o le ala-e le faigofie. Ia manatua foi, o tamaitai ia na matou iloa lo latou loto tetele e tulai mai ma si’i o latou lima –o loo faafetai ma uiga ma mafaufau malolosi ia ua tele tausaga o faufau ma faatulaga. O le a faapena foi ona umi le taimi e te le aoaoina ai nei uiga ma e tatau lava ona tatou onosa’i.Ae peitai-ia outou loto tetele. E tatau ona faamafanafanaina i tatou e faapea a itiiti mai-o lea ua i ai nei se vaega magafagafa ma le faateleina o le iloa o sui auai o tagata lautele e faapea e mafai e tamaitai ona fai soo se mea ua leva ona fai e alii-ma atonu e sili ona lelei pe a latou faia.  I le faaiuga o le aso, tatou te le mafai lava ona iloa pe mafai e tamaitai ona faafoe le atunuu se’ia vagana ai ua tuuina atu ia i latou le avanoa. 

Ona o le suiga o le tulafono, o lea ua ‘ausia e Samoa ogasami e le’i tofotofoina  i totonu o le Pasefila. Ma e tatau ona faailoa atu e faapea o le aofai e lima ua faamaona e le Faavae ua na o le fola. O le matāti’a mulimuli ua manino mai o se numera tele e sili atu. 

Ma o le a le mea o le a tupu pe afai o le a manumalo sui faatutu tamaitai i o latou nofoa uma? O ai o le a fai mai e leai i lena tulaga? 

Ona o lena ua faailoa atu lena tulaga, faamolemole ‘aua tou e aveseseina i matou , matou te le o fai atu e tatau ona e palota mo se tamaitai ona o le faapea o le tamaitai. O le a le amiotonu lena mea ma ou te mautinoa o lena tulaga o le a fai ma faatiga i tamaitai. 

Matou te manana’o ia outou palota mo i latou ona o mea e mafai ona latou aumai i le laulau.

O nei tamaitai uma e agavaa ma ua latou o mai iinei e tusa ai ma lo latou lava malosi. E tomai i latou, ua faa-‘auupegaina ma ua latou naunau e aumai ni suiga pe afai e tatau ai. Tuu atu ia i latou se avanoa. 

Ia outou maua Samoa se faaiuga matagofie o le vaiaso, ma ia faamanuia atu le Atua! 

 

20 February 2016, 12:00AM
Samoa Observer

Upgrade to Premium

Subscribe to
Samoa Observer Online

Enjoy unlimited access to all our articles on any device + free trial to e-Edition. You can cancel anytime.

>