Masalomia e le Tautua le valo’aga a le H.R.P.P.
Tusia - Sarafina Sanerivi
Faaliliu e Seagaitumua Tupuola
O se valoaga a’o lumana’i ai le faiga-palota a le ta’ita’i o le H.R.P.P. o loo faaalia ai e faapea ua leva ona manumalo le H.R.P.P. a’o le’i aulia le aso 4 o Mati. Fai mai Tuilaepa Lupesoli’ai Sailele Malielegaoi ua uma ona maua e le H.R.P.P.nofoa e 18 o le Palemene.
Ua faamasinoina lenei itu e le numera o sui faatutu ia ua uma ona resitala o latou suafa e avea ma sui faatutu o le H.R.P.P. ma e faavae I luga o itumalo ia e na o sui faatutu o le H.R.P.P. o loo tauva mai ai. E tusa ai ma Tuilaepa, o le faiga-palota aupito uiga ese I taimi uma, ona o lea ua uma ona fai le faaiuga a’o lei amataina le faiga-palota.
Pau lava le mea o loo totoe o le faatali lea mo taunuuga, o lana faaaliga lea. “Ae ou te iloa e faapea e 18 nofoa ua faamaonia o nofoia o le H.R.P.P.i totonu o le Palemene.” I le faagasologa o le fono faa-vaiaso a le Tautua ma nusipepa, sa fesiligia le taitai o le Itu Agai mo sona manatu e uiga i le faaaliga a Tuilaepa. Ma na lapisi e le taitai o Palusalue mau na fai e Tuilaepa.O loo i ai sui faatutu a le Tautua o loo tauva e avea ma sui tuto’atasi ma latou te le iloa le mea lena,” o le faaaliga lea a Palu.
“O lona lava mafaufau lena ma o ona uiga faamaualuga lava na. E masani ona fai mai o faaiuga e mai le Atua, aisea la ua na faia ai le faaiuga i le taimi nei a’o le’i faia le palota? “Tuu pea i tagata e faia le faaiuga ae faatali tatou mo le faaiuga sa’o.”
E matua ioe Va’ai Papu Va’ai i le finagalo o Palusalue ma fai mai, “O lea ua faitau ana tama’i moa ae lei taitai ona fofoa,” o lana faaaliga lea.
“E le tatau ona e faia lena mea.”