Faaalia Tulaga Faaletonu Tau Lafoga

By Admin Peršon 18 December 2015, 12:00AM

Lanuola Tupufia 

Faaliliu e Seagaitumua Tupuola

 Na sasa e le Minisita Faaolioli o Tupe a le Tautua Samoa Party o Afualo Dr. Wood Salele le le mafai e le malo ona ao lafoga uma e tatau ona totogi i le malo. 

O lana faaaliga e faapea o lenei tulaga le lelei ua pogai ai tupe pa’u i totonu o le Tala Faatatau Faaopoopo o le Tupe lea na toe fo’ia e le malo e ala i le Tulafono Tau Faaofi o le Faatatauina o Tupe (Nu.1 2015/2016, lea na faataatia i totonu o le Palemene i lenei vaiaso. 

E ala i sana faaaliga i le faagasologa o le talanoaga i vaiaso taitasi a le Tautua Samoa ma nusipepa, fai mai Afualo o le $432.952 o loo faamauina i totonu o le V.A.G.S. T.- na ao mai matagaluega ma faalapotopotoga e le o matua lelei atoatoa. 

Na ia fesiligia pe o fea ua alu i ai lafoga i luga o oloa ma auaunaga.. “E foliga mai e le o talafeagai le aoina o lafoga ma faiga faavae ma tulafono faatonutonu,” o le faaaliga lea a Afualo. Afai o i ai se isi atunuu e tele ni ana lafoga, o lea atunuu o Samoa….e tusa ma le 50 pasene o ana tupe maua e mai le lafoga o oloa ma auaunaga ae o isi tupe maua e mai le lafoga o tupe maua.” 

 “Matou te lagona e faapea o tupe na aoina e le o talafegai ma tupe e faaalu e le malo ma avanoa latou te siitia ai lafoga i le 20 pasene i le tausaga fou pe afai tatou te faaauau pea i lenei tulaga.”  Na faitioina e le Sui Usufono o le Palemene mo Salega le Tala Faatatau Faaopoopo o Tupe, fai o lana tupe faaalu ua matua sili mamao atu i lo ana tupe maua.

Na ia faamatalaina e faapea afai o le ‘auga o le tala o le tupe mo lenei tausaga o le soifua lea e tusa ai ma mea tatou te maua, ‘o lona uiga-e le o tausisi le Palemia i na upu.

“O lea ua i ai le tatou tala faatatau o tupe e $9.1 miliona ma o tupe maua e na o le $8.5 miliona-o se faasiliga lea e $447,000.” E leai se eseese o lea tala o le tupe ma se fale e tele mea fau fale e faaaoga i ai i lo mea e mafai ona maua, o lana faaopoopoga lea. 

E tusa ai ma le Palemia o Tuilaepa Sailele Malielegaoi, ma lana faaaliga i totonu o le Palemene i le Aso Lua, o lea faasiliga i tupe faaalu na faatupeina mai tupe faasao na faamaonia i lalo o le Faiga Tau Penisione a le Palemene ma le Matagaluega o Tupe Maua.  

.E ui lava ina le fia faaalia e Afualo auiliiliga o le tala o le tupe, talu ai ua uma ona tuuina atu i le Komiti a le Palemene mo lona iloiloina, ae fai mai a ia o vaevaega o loo faamauina ai  i totonu e ono mafai ona faaleleia atili.  

Mo le taimi muamua, o loo i ai faamaumauga mo tupe maua faaopoopo mai vaevaega na maua e $2.83 miliona mai faalapotopaotoga a le malo. Na faafetaia e Afualo le faatuina o le Matagaluega o Pisinisi a le Malo ua mafai ai ona faatino lea tulaga ae na ia faaalia o se mea lea ua leva ona tatau ona fai.  “O se mea uiga ese le vaai atu ua totogi vaevaega aua o le tulag lava lena e tatau ona i ai,” o le faaaliga lea a Afualo.

“Ae peitai, e anoano isi mea e tatau ona totogi mai e nei Pisinisi a le Malo aua o loo ia i latou le vaega tele o aseta a le malo.

E tusa ai ma le tulafono tau faaofi o le tala faatatau faaopoopo o tupe, e ese mai tupe maua mai Pisinisi a le Malo ma le V.A.G.S.T,, na faamauina e le Matagaluega o Puna’oa Faale-Natura ma le Siosiomaga se tupe mamā e $217,396 ma le $1miliona mai le Ofisa o le Regulator.  .O se faaopoopoga e $4 miliona sa mafai foi ona maua mai le Samoa International Finance Authority. 

Sa lagolagoina foi e le Taitai o le Tautua Samoa o Palusalue Faapo II lea tulaga. Na ia faatusa le tulafono o le tala faatatau faaopoopo o tupe i se tulaga ua gaumativa ai le malo, ma fai mai sa le tatau ona faia soo se tala faatatau faaopoopo o tupe. 

E ui lava ina sa fiafia o ia ona ua aloa’ia e le malo le latou fautuaga talu ai ina ia ‘aua nei toe faia ni faaunegatupe ina ia matou mafai ai ona latou faatumuina tupe a le atunuu pe a le lava.

Na ia fesiligia le $70,000 lea ua faataatia eese e totogi ai pili ua leva ona le totogia ona o Taaloga a Tupulaga Talavou a le Taupulega E tusa ai ma Palusalue, o tupe maua mai ia taaloga sa tatau ona tuuina atu e totogi ai pili ua leva ona tuua a le Faalapotopotoga o le Malosi Faa-Eletise . 

O le tala faatatau faaopoopo o Tupe na tuuina atu i le Komiti o Tupe mo le iloiloina ma ia lipoti atu ni mea e maua i ana sailiga i le Maota ia le silia le 14 aso e tusa ai ma Tulafono Tumau.

By Admin Peršon 18 December 2015, 12:00AM
Samoa Observer

Upgrade to Premium

Subscribe to
Samoa Observer Online

Enjoy unlimited access to all our articles on any device + free trial to e-Edition. You can cancel anytime.

>