Maua e Leoleo se 245 marijuana i se alii mai Savaii
O se alii e 26 tausaga le matua mai Savaii o le a taofia pea e Leoleo se’ia aulia le aso 23 o Me lea o le a tula’i ai i totonu o le Faamasinoga. O lea alii ua tuua’ia na pu’e i le aso 6 o Me i le itula pe tusa o le 7 i le afiafi ina ua uma ona masalomia o loo tauaveina e ia ni laau marijuana.
E tusa ai ma le Fofoga o Leoleo, o Maotaoalii Kaioneta Kitiona, e 245 laau marijuana na maua i lē ua tuua’ia. Na toe ta’ua e Maotaoalii e faapea o le isi alii e tutusa o la matutua sa molia i le umia o nakoti i le aso na soso’o ai.
Na maua e Leoleo se laau marijuana e tasi ia te ia ma o loo taofia foi o ia se’ia o’o i le aso e valaau ai lona faamasinoga i le aso 23 o Me.O le Umia o nakoti o se tasi lea o solitulafono maoa’e i totonu o Samoa. O le faasalaga aupito i maualuga mo sea solitulafono pe a faamaonia e nofosala e le sili atu i le 14 tausaga e falepuipui ai.