Talosagaina le malo e asiasi nu’u i tua aua ni atina’e faia

By Fetalai Tuilulu’u 18 March 2017, 12:00AM

Na maua le fa’atalatalanoaga a le Fofoga o Samoa ma le tinā ia Siapu Fa’atiuna le aso ananafi i sona manatu fa’alia i le o le fea o le tuagala ma le nu’u e silafia e lona ia tagata e lelei ma saogalemū i le nofo. 

O Siapu Fa’atiuna e 45 tausaga le matua le soifua mai le afioaga o Lepā Aleipata ma e to’afitu si ana fanua. 

“O lo’u manatu lava iai e sili lava le nofo i totonu le nu’u. 

“O le olaga i totonu le nu’u e filemu ma faigofie lava, aua a ta’u loa nu’u i tua ona tatou iloa lelei ma silafia o le olaga i nu’u i tua e pei lava o le olaga i aso anamua. 

“E iloagofie lava o oe o le Samoa moni i lau tū, savali, tautala ma ou uiga fa’alia. 

“O le mea moni foi, e tatau lava ona ola mai i totonu o nu’u ae o le tulaga e fa’anoanoa ai ona ua tele lava ina nonofo tagata le taulaga ma tau mou atu ai le olaga i totonu o nu’u. 

“O le ola foi le fa’asamoa e puipui mai ai foi tatou mai le fa’alavelave tutupu aua a nofo lava totonu le nu’u ma mafuta le aiga e leai lava ni fa’alavelave e tutupu. 

“Pei o la’u tala fa’ata’ita’i lava totonu o si o matou nu’u i nei, o lo’o ola fiafia, leai ni fa’alavelave ma tēlē lava le fanua e nonofo ai. 

“E tele foi le avanoa e galue ai i mea fai le nu’u ma maua ia le fa’asoa’i ma le tagata matūtūā.

Sa fa’alia e le tinā o totonu si ona aiga o lo’o lelei lava mea uma, o lo’o ola lava i le olaga o tagata nu’u e ala i tulafono, maua le avanoa e atina’e ai le aiga. 

O tulaga tau fanua sa taua e Siapu le tetelē foi o fanua o le aiga lava ia o lo’o fai ai atina’e ma fa’alagolago ai le tausiga o le aiga.  

“O le ala foi le o e mautūlo’u taofi e faigofie ma sili atu olaga i tua nai lo le olaga i le nonofo ai le taulaga. 

“E fa’atusaina lava i aso anamua le faigoife o mea fai, ma le ola sa’oloto tagata i o latou fanua ma le ola filemu i nu’u i tua. 

Sa fesiligia le tinā i ni galuega o lo’o fia fa’alelei ma sa fa’alia ai le Fofoga o Samoa, e ao lava i le mālo ona asiasi atu i nu’u tua e tagataga’i I tulaga fa’aleleia. 

“O lo’o sologa ma lelei mea uma e pau o lea o auala ma sauvai e fia fa’alelei. 

By Fetalai Tuilulu’u 18 March 2017, 12:00AM
Samoa Observer

Upgrade to Premium

Subscribe to
Samoa Observer Online

Enjoy unlimited access to all our articles on any device + free trial to e-Edition. You can cancel anytime.

>