Ua faailoa atu e le Tautua ‘lole’ mo le faiga-palota
Tusia - Pai Mulitalo Ale
Faaliliu e Seagaitumua Tupuola
O le a mafai e sitiseni Samoa o loom au i atunuu mamao ona palota i soo se faiga-palota pe afai e manumalo le Tautua Samoa i le Faiga-Palota Lautele o loo loma nei i le aso 4 o Mati 2016.
O lenei faatasi ai ma le tele o isi lava folafolaga o loo aofia i totonu o le Manifeso aloa’ia o le Faiga Palota a le Pati, lea na faalauiloa aloa’ia i le E.F.K.S. Hall ananafi.
E le taumate sa matua faafiafiaina le Taitai o le Vaega, o Palusalue Faapo II ma lana vaega ona o le toatele ma le faitau selau ma selau o tagata na auai. Tusa lava pe mafai ona faaliliu lea tulaga i palota-ae o le a iloa mulimuli lava.
Ae peitai, o le folafolaga mo tagata Samoa o i atunuu mamao e palota ai e le ona pau lea o se itu faatosina mo tagata palota o loo i totonu o le Manifeso lea o loo ta’ita’ina e le autgu “O le Amitonu ma le Manuia mo Tagata Uma.”
O siitaga o Totogi mo faia’oga, foma’i, teina tausima’i ma tagata faigaluega uma tau le soifua maloloina ua ofo atu e avea ma vaega o se fuafuaga aoao e faaleleia ai A’oga ma le Soifua Maloloina. E tusa ai ma le vaega e faasino i le Pule a le Tulafono ma le Tuliloaina o le amiotonu o le manifeso, o loo finau pea le Itu Agai ina ia faatuina se Vaega e Tete’e atu i Faiga Pi’opi’o-e faamamā ai faiga pi’opi’o i totonu o galuega a le malo.
O loo fuafua foi le Pati e faatapulaa soo se nofoaiga a le Palemia i le lua paeaiga.
A pa’ia loa le “Tufatufaina Tutusa o le Tamaoaiga,” o loo fuafua le Tautua e faaopoopo totogi aupito i laiti mai le $2.30 i le $3:00. O se vaega lenei o lana fuafuaga ina ia faaitiitia le taugata o le tau o le soifuaga mo tagata o le atunuu, faatasi ai ma le faamoemoega aoao o le faaitiitia lea o le tau o le soifuaga.
O le vaega mulimuli o le manifeso a le Pati o loo tagofia ai ai lu’itau tau le siosiomaga o loo feagai ma Samoa. Ma o se tasi o mea muamua lava ua latou folafola mai i latou o le “Faatumauina o le Siosiomaga”o le faamalosia lea o le faasaoina o le nofoaga o suavai faasao faatasi ai ma le siitia o le faaaogaina o le malosi e mafai ona faatumauina.
Ua latou faatu mai le toe iloiloina o tulafono o loo i ai nei i le itu tau eleele faale-aganuu ma eleele umia sa’oloto. O le faalauiloaina o le Manifeso a le Pati na faatino faatasi ma le faalauiloaina o sui faatutu a le Pati. O le tausaga lona lua lenei o le a lu’i ai e le Tautua Samoa Party-le Pati a Samoa e Puipuia Aia Tatau a Tagata (H.R.P.P.) lea o loo faafoeina le malo –le aia tatau e pulea ai le atunuu. O le polokalame o le faalauiloaina na amata lava i se tatalo puupuu a le Faa-Tama o le Tautua, o le Tiakono lea o Kasiano Leaupepe.
I lana saunoaga autu, fai mai Palusalue ua o’o i le taimi e sui ai le faigamalo. Na faaalia lona faanoanoa tele i le aitalafu i fafo lea ua o’o lona fefete i le $1.4 piliona, ma na lapata’ina e faapea o tupulaga lalovaoa o Samoa o le a feagai ma se avega mamafatu-o le toe totogiina lea o le faatautala o le malo i le taimi nei. Fai mai Palusalue o le alofa o le H.R.P.P. mo tagata ua malūlū vaoa talu ai ona o le tele o lo latou paoa ma le le fufu’e.
E ala i le faatusatusaga, fai mai Palusalue o le Manifeso a le Tautua Samoa Party-ua una’ina e le alofa ma le mana’o ina ia fai ni suiga mo le mea e sili ona lelei. “Samoa, faamata e le o taimi tonu lenei e sui ai lo tatou malo,” o lana fesili lea.
Afai tou te lagona ua tatau ona tatou suia le malo-aumai la ia i matou lo outou faatuatuaga.”Fai mai Palusalue e na o le saga pagatia o le atunuu pe a latou faatagaina Tuilaepa ma lana vaega e faaauau pea ona pulea le malo. “Ua leva ona latou pulea le atunuu ae silasila lava i le pagatia o tatou tagata,” o lana faaaliga lea. O le Manifeso a le Tautua o loo vaevaeina i mataupu ua faaalia i lalo:
• Avanoa Tutusa ma le poto masani mo tagata uma
• Pule a le tulafono ma le tuliloaina o le amiotonu.
• Tufatufaina Tutusa o le tamaoaiga.
• Faatumauina o le Siosiomaga
O le Minisita Faaolioli o Tupe a le Pati, o Afualo Dr. Wood Salele, fai mai ua leva ona tuuina atu o latou mafaufau i le latou manifeso.
O le mataupu mulimuli, o le Sui Usufono o le Palemene mo Faasaleleaga Nu.2 o Papalii Li’o Masipau na faalauiloaina a latou sui faatutu e 26. Na ia toe ta’ua e faapea ua ia i latou ni sui faatutu tuto’atasi se 20 ae le mafai ona ia faailoa maia o latou suafa. O le a faalauiloa e le Tautua Samoa Party lea lava Manifeso i Savaii taeao.
Sui faatutu o le Tautua:
VAIMAUGA SISIFO NU.2
Lefau Harry Schuster
FALEATA SASAE
AveauNiko Palamo
AANA ALOFI NU.2
Ili SetefanoTaateoTafili
AANA ALOFI NU.3
Toeolesulusulu Cedric Pose Salesa Schuster
LEFAGA & FALEASE’ELA
UnasaTauaipolu Iulia Petelo (Sui Tamaitai)
SAFATA SISIFO
PalusalueFaapo II
FALEALILI SASAE
Tofua’eofo’ia Falefa Lima
LEPA
Tu’ulāKiliriLafiTuitui
ALEIPATA ITUPA I LALO
LetiuTamatoaPenaia
ANOAMAA SASAE
Alai’asa Elena
Poloai Akapo
FAASALELEAGA NU.1 SISIFO
Suafo’a Faimata FauenaSua
Talalafai Kapeli Vaiola
FAASALELELAGA NU.2
Papali’iLi’o OloipolaTa’eu Masipau
GAGAEMAUGA NU.1
Salā Malautea Muliagatele Iose McCarthy
GAGAIFOMAUGA NU.2
Manuta Lavamaile Uesilē
VAISIGANO NU.1
VaaiPapu
VAISIGANO NU.2
Motuopuaa Uifagasa Aisoli Vaai
FALEALUPO
Aeau Peniamina Le’avaise’eta
ALATAUA SISIFO
Momoemausu Siaifa Uipa
Pei Iefata Reupena Tauiliili
SALEGA SASAE
Tapua’ī Toese Ah Sam
SALEGA SISIFO
Afualo Wood Uti Salele
PALAULI SASAE
FisoTaranaki Mailei- Tamasese (f)
PALAULI LE FALEFA
Le Tagaloa Pita
Tiatia Mapesone Malo.