O se popolega tele ua i ai le tele o le soifuga ua i ai nei le to’atele o le mamalu o le atunu’u.

O se tasi o i latou nei o Fafa’i Peteru ona o lea foi o le a toe a’e aoga a le fanau.

‘Ia ua tatou iloa ma silafia o mea uma lava o tupe o le uiga o la’u tala a le mafai ona faigaluega ia e leiloa le mea ole a fai.

“Mo a’u le tausiga o si o’u aiga o lea lava le tulaga o lo’o ua taumafai ai le taimi lenei.

“O a’u e fagota ma e pei o i o lo’o maua mai ai le fesoasoani tele tau tupe mo le tausiga o le aiga aemaise le fanau. 

Na ia fa’ailoa o le toe a’e ai o aoga o le fanau e le taumateina le tele foi o tapenaga.

“Ia ua o tatou iloa uma ua le toe taugofie nei aso,ua matuai taugata lava le soifuaga mai lea aso i lea aso.

“O se itu taua ma le mautinoa e le mafai e  se tasi ona fa’atinouina o so’o se vaega e aunoa ma tupe.

‘E pei o lea lava le una’i malosi mo a’u ia i lenei taimi ona o le vaai alofa foi i fanau aemaise o le tele o le mau vaega o lo’o ua fotuai mai le soifuaga i lenei taimi.

“O lo’u ia iloa i ai , ia o lena lava a le mafai ona fa’atino le tele o vaega o lea lava foi le faigata e o’o i ai le lumanai o nai fanau.

“Ia ae o le ola lava e taumafai aua ua tatou iloa uma lava le faigata o nei aso i lo tatou ola ma le soifua o lo’o ua i ai nei.

“E taumafai lava aua o le itu mautinoa o le taimi tatou te nofonofo a o lena tonu lava o le a tupu ai le fa’aletonu.

“Ia ae ua faigata lava nei aso, ua o tatou iloa uma lava, e leai se tulaga foi le le o le nofo le fale ae fa’amoemoe e savali mai manuia.

‘E leai, a le galue ma fai fa’atinoga e tatau ona fai e fua le taugata o le tau o le soifuaga ua i ai nei.

“Ia o le va’a o mala e ti’eti’e ai.

Na ia fa’ailoa e ao lava ona loto tetele.

“Ioe , e pei ona fa’ailoa ua le toe faigofie nei aso e ao lava ona fa’atino o so’o se tulaga e mafai ona fesoasoani aemaise le taugata ua  i ai nei.