Manatu o le Fa’atonu - O le maliu o se Tina Penisione Matua e le o se mea lea e masani ai. O fea ‘ea au mea-sina Samoa?

17 March 2016, 12:00AM

Tusia - Mata’afa Keni Lesa

Faaliliu e Seagaitumua Tupuola


O se taimi o le masina talu ai, na fasiotia ai se tina matua le o loo tuua’ia e faapea na muamua toso faamamalosi e se tasi –ona faatoa fasioiti ai lea o ia i lona aiga i Faleasi’u-ae na maua e lona uso. O lea tina penisione e 66 tausaga le matua o lona soifua na lipotia e faapea na maua e le o lavalavā ma ua maliu i totonu o lona fale. 

Uso e, o lenei faalavelave ua manino mai o se faalavelave aupito i uiga ese lea ua tula’i mai totonu o lenei atunuu mo se vaitaimi umi. O le mea mea, ua auina atu ai se ‘emo uiga ese i le salafa o Samoa, ma ua faamaonia ai le mea ua uma ona tatou iloa mo se vaitaimi umi e o’o mai i le taimi nei- e faapea o loo i ai se faama’i mata’utia e ao ona matua titina ma tafi ese mai lenei atunuu.  

O le a ‘ea le mea o faaletonu i nei tagata? O ai na te faia se mea faapenei i se tama’ita’i matua? 

Ma i totonu o Samoa? O se atunuu e o i lotu faatasi ai ma tagata e fiafia e talanoa i le Atua ma le alofa? Ia tautuana ma outou, e le o le taimi muamua lenei ua tupu ai se mea faapea i totonu o lenei atunuu.

O se taimi foi o le tausaga ua mavae-na maua ai foi le isi tamaita’i-e ui lava ina talavou-e le o lavalavā ma ua maliu i se pa-povi i Fale’ula. Na tuua’ia e faapea na toso faamalosi foi o ia ma fasi se’ia oti. E o’o mai i le asŏ-o loo sailia pea e Leoleo le tagata na fasiotia o ia. 

Elsewhere last year, a drunken ex-husband of another woman woke her while she was sleeping with her children and beat her lifeless

I isi vaega o le atunuu i le tausaga talu ai, na fafagu ai e se alii sa fai muamua ma tane a le isi fafine, o ia a’o momoe ma lana fanau ma matua fasi faamo’amo’a o ia se’ia oti. O le fasioti tagata ua matua gatete ai lenei malo. 

I le taimi nei-matou te ioe e faapea o nei ituaiga o faalavelave e le fou. E tutupu mai lea taimi i lea taimi ma e le faapito ia Samoa. Ae peita’i-o ia faalavelave e le o ni mea e masani ai –ma i le avea ma atunuu-ua tatau ona matua faapopoleina i tatou i lea tulaga.

I le taimi nei la pe a tatou toe foi i le tamaitai penisione, e manino mai sa nofo toatasi o ia talu ai o lana fanau o loo nonofo i atunuu mamao.  “E mafai ona tagou sogitia lona tino mai fafo o le faitoto’a,” o lana faaaliga lea.

“O se tulaga faigata tele....na maua o ia ua maliu i luga o lona moega faatasi ai ma manu’a “(i lona ao)”E tusa ai ma le tala na faailoa mai e le sui o le aiga e uiga i le ta’otoga e saili ai le mafuaga o le maliu o lea tina matua, na matua nuti lava lona faa’ī faatasi ai ma ni manu’a i luga o lona ao. “Ou te le talitonu e mafai e se tasi ona fai se mea faapenei ia te ie.”

Ia-matou te matua lagolagoina foi lea tulaga, aemaise ai lava ona o lenei tamaitai o tina ua penisione. I le aso na fasiotia ai o ia- e manino mai sa alu o ia i le faletue e aumai lana penisiona. O lona uiga-sa ia te ia se tinoitupe itiiti i le taimi na taumafai ai se tasi e fasioti o ia. 

O le mea lenei e uiga ese lona leaga. O ai lava na faia lenei mea i lenei tamaitai e tatau ona saili ia maua ma ia taofi ina ia mautali atu mo lenei faatautala. Ua outou silasila la, tatou te malamalama e ono mana’omia foi e tagata solitulafono sina tupe mao lea ua latou manatu ai o se atamai le faoa o mea a se tina matua e leai se fesoasoani na te maua. Ae o le faagasolo muamua e toso faamalosi o ia ona fasioti ai lea-e matua faigata lava ona tatali e le manava. O se mea e matua faavalevalea lava. O ni faiga le popoi ma le faatupu inoino. 

O lenei faalavelave e le o atagia ai se ata lelei e uiga i le tulaga auiluma o Samoa. E le taitai ona talafeagai mo se atunuu e mitamita i ana faiga faa-Kerisiano ma lana aganuu. O se amioaga faa-tagata e le iloa le Atua e faailoa mai ai se tala, e talanoa i feteena’iga i totonu o lo tatou atunuu i aso nei. Ae peitai, mafaufau i le maualuga o le tulaga ta’uleleia o Samoa i totonu o le itulagi ma le lalolagi.

Mafaufau i le tulaga mautu tau polokiki o Smoa ma e le faatusalia i totonu o le Pasefika. Mafaufau i la tatou aganuu, o a tatou measina e matua fiafia tele i ai tagata malaga mai fafo. O measina ia e tatau ona tatou mitamita ai. 

Ae peitai-o faalavelave uiga ese faapenei e pei o le fasi faamo’amo’a ma fasioti se tina e leai sana sala-e ese ai mai isi lava gaoioiga tau solitulafono-o le mea mautinoa o le a matua faaleagaina i lea tulaga.

Ua latou faatama’ia foi sao lelei o isi tagata ia sa matou galulue iina ‘ausia lea tulaga. Sa matou fai atu muamua foi faapenei-ae o le a matou toe fai atu foi. O le upu moni e manino mai o loo i ai lava se mea o loo faaletonu e tusa ai ma le faatulagaina o le atunuu o Samoa. Ua avea i tatou ma atunuu o mea fete’ena’i. Tatou te fai atu le upu ae tatou te faia le mea e ese ai. 

Tama’ita’i e ma alii, o nei faalavelve e le o ni faalavelave e masani ai.  O ni faalavelave sa le tatau ona ona tupu mai. Ua outou silasila la, a faapea ona fai faa-tauemua se tagata penisione e leai sona fesoasoni-ona ta’u mai ai lea ia i tatou –o loo i ai se mea o loo matua sese, sese lava i totonu o lo tatou atunuu. O le fesili la, o fea o i ai o tatou ta’ita’i? O fea le malo, ekalesia, ta’ita’i o nu’u ma aiga? O a latou mea o fai e tali atu ai? 

E te manatu e faapea o le maliu o lenei tina o le a tulai mai ai se ituaiga o tali malosi e matua teena ai ia ituaiga o amio le popoi? 

Ae peitai-o i tatou o loo i Samoa nei, ma fai e peiseai ua na o se isi lava mataupu.  Ae paga lea-o lona tulaga mata’utia e matua le talitonuina lava. O fea a tatou measina? O le a le mea ua tupu i le amio? E i ai se mea e mafai ona tatou tulai atu ai mo se tasi tagata? E popona i ai se isi?

 

 


17 March 2016, 12:00AM
Samoa Observer

Upgrade to Premium

Subscribe to
Samoa Observer Online

Enjoy unlimited access to all our articles on any device + free trial to e-Edition. You can cancel anytime.

>