Mana’omia se suāvai

By Vatapuia Maiava 16 December 2017, 12:00AM

A leai se suavai  o le faigata fo’i lea o le soifuaga o lo’o ua i ai nei, aua o le suavai o le ola lea.

O lea le finagalo o le tamā i a Gigi Lafaele ile Fofoga o Samoa i le aso ananafi ma o se itu taua tele lea i le va’ava’ai atu ai le lumanai aua lona aiga.

Na ia ta’ua o lea lava le tulaga o lo’o ua taumafai ai pea aua o mea uma lava e mafai ona fa’atino i vaega o lo’o ua taumafai ai nei mo lona fa’atinoina ae a leai se suavai e ogaoga fa’afitauli e ono o’o atu ai.

Mai le afio’aga o Leulumoega na fa’ailoa e Gigi ua loa tausaga o feagai pea ma lea fa’afitauli o le leai lea o se suavai.

‘E mo le silafia ai, o le tane lava le tali lea e va’ava’ai atu ai  ina ia mafai ai ona maua mai ai se fesoasoani le taimi lenei, ma o se itu taua tele lea i lo’u iloa i ai.

“O lo’u ia mafaufau i ai, ia o le taumafai lava e fa’atino o vaega uma aua se tane vai e tau fesoasoani mai le fa’afitauli e pei ona ua feagai ai nei.

“O le mea lea e i ai e pei o le timu olo’o ua tua ai le taimi lenei, ma o se itu taua tele lea i la’u ia va’ai ai le taimi lenei.

Na ia taua ua leva tausaga o feagai ma lea tulaga.

‘Ia o le itu mautinoa e pei o le timu o lo’o fesoasoani tele i lea fa’afitauli i le tele o taimi, e lagona le agaga fa’afetai i le Atua pe a o’o mai timuga aua o le tele o le suavai e mafai ona maua mai ai.

“Ua leva na tau va’ava’ai atu i se isi e talanoa atu i lea tulaga, o le itu mautinoa e le o’o mai le paipa i le vaega lea o lo’o matou i ai ma le aiga, ma e tele lava nai aiga olo’o feagai ai ma le faafitauli i le leai o se suavai.

 “E pei o le agaga maualuga o le mafai lea ona maua mai se fesoasoani mai le malo se’i  tau fo fo atu ai le fa’afitauli i lenei taimi.

 “E moni e tele aiga na aumai ai tanevai i nisi o fesoasoani ae pei e mafuli aiga na faamanuiaina i aiga o lo’o tu lalata i tai le ‘a’ai.

“O le matua’i faigata lava ona fa’atino galuega e aunoa ma le suavai i le  taimi lenei, aua ua o tatou iloa uma le faigata ua i ai nei.

By Vatapuia Maiava 16 December 2017, 12:00AM
Samoa Observer

Upgrade to Premium

Subscribe to
Samoa Observer Online

Enjoy unlimited access to all our articles on any device + free trial to e-Edition. You can cancel anytime.

>